Hyppää sisältöön
Media

Riikkabeaiveválggat sotnabeaivve 2.4.2023

Vuoigatvuođaministeriija
Julkaisuajankohta 16.3.2023 9.30
Dieđáhus

Riikkabeaiveválggat doaimmahuvvojit cuoŋománu 2. beaivve 2023. Válggain jietnavuoigadahtton Suoma riikkavuložat válljejit 200 riikkabeaiveáirasa áigodahkii, mii bistá njeallje jagi.

Riikkabeaiveválggaid várás Suopma lea juhkkojuvvon 13 válgabiirii. Válgabiirriid mielde válljejuvvon riikkabeaiveáirasiid mearri sorjá das, man olu válgabiirres orrot Suoma riikkavuložat guhtta mánu ovdal válggaid. Ålándda válgabiirres válljejuvvo dattetge álohii okta riikkabeaiveáirras.

Juohke Suoma riikkavuložis, gii maŋemusat válgabeaivve deavdá 18 jagi, lea riekti jienastit riikkabeaiveválggain. Ilmmuhus jienastanrievttis lea boahtán Digi- ja álbmotdiehtodoaimmahagas juogo reiven ruoktot dehe elektrovnnalaččat Suomi.fi-bálvalussii. Ilmmuhus sáddejuvvui elektrovnnalaččat daidda, geat leat diŋgon eiseváldedieđáhusaid Suomi.fi-bálvalussii.

Jienastanriekteilmmuhussii lea merkejuvvon válgabiirre jienastanbáiki. Čuovusin lea maid logahallan iežas válgabiirre ovdajienastanbáikkiin. 

Riikkabeaiveválggain sáhttá jienastit juogo válgabeaivve sotnabeaivve 2.4. dehe ovddalgihtii ovdajienastanáigge 22.–28.3. Jienastit sáhttá dušše iežas válgabiirres olbmo, gii lea evttohassan. Iežas válgabiire namuhuvvo jienastanriekteilmmuhusas. 

Jienasteaddji ferte čájehit čilgehusa identitehtas válgabeaivve jienasteamis nugo ovdajienasteamis. Identitehta sáhttá duođaštit virggálaš govalaš áššegirjjiin, dego vuodjingoarttain dehe bolesa mieđihan persovdnagoarttain ja pássain. 

Ovdajienasteapmi ruovttueatnamis ja olgoriikkain

Jietnavuoigadahtton sáhttá jienastit ovddalgihtii man beare almmolaš ovdajienastanbáikkis ruovttueatnamis ja olgoriikkain.

Riikkabeaiveválggaid ovdajienasteapmi ruovttueatnamis álgá gaskavahkku 22.3. ja nohká disdaga 28.3. Olgoriikkain ovdajienasteapmi lágiduvvo 22.–25.3., muhto máŋgga olgoriikka ovdajienastanbáikkis jienastanáigodat lea dán oanehit.  

Ruovttueatnama ja olgoriikka ovdajienastanbáikkiid čujuhusat ja rabasáiggit gávdnojit válggaid diehto- ja boađusbálvalusas (suomagillii). Dieđut gávdnojit maid DÁD jienastanbáikebálvalusas čujuhusas https://www.aanestyspaikat.fi. Ovdajienastanbáikkiid sáhttá maid jearrat nuvttá válgabálvalannummáris.

  • suomagielalaš telefonbálvalus: 0800 9 4770
  • ruoŧagielalaš telefonbálvalus: 0800 9 4771
  • WhatsApp-dieđáhusbálvalus: 050 438 8730.

Olmmoš, gean návccat lihkadit ja doaibmat lea nu rájálaččat, ahte son ii beasa badjelmearálaš váttisvuođaid haga ovdajienastanbáikái dehe válgabeaivvi jienastanbáikái, sáhttá jienastit ovddalgihtii ruovttustis. Ruovttujienasteapmái ferte dieđihit iežas gieldda guovddášválgaválgalávdegoddái maŋemusat 21.3. ovdal diibmu 16. Ruovttujienasteami olis sáhttá dihto eavttuid mielde jienastit maid oapmahašdikšu, gii orru seamma dállodoalus.

Olgoriikkain oba ovdajienastanáigodaga ja válgabeaivve orrut dehe orodeaddjit sáhttet jienastit reivve bakte olgoriikkain. Jienastanvuoiggalaš, gii háliida jienastit reivve bakte, galgá diŋgot reivejienastanáššegirjjiid ovddalgihtii olgoriikkaide, ja go lea ožžon daid, de jienastit ja maŋemussan bostet jienas Supmii iežas gieldda guovddášválgalávdegoddái. Reivejietna galgá leat ollen rivttes guovddášválgalávdegoddái maŋemusat válgabeaivvi ovddit bearjadaga 30.3. ovdal diibmu 19. Dárkilit bagadusat gávdnojit čujuhusas www.vaalit.fi/kirjeaanestys.

Jienasteapmi válgabeaivve cuoŋománu 2. beaivve

Válgabeaivve visot jienastanbáikkit leat rabas diibmu 9–20.

Válgabeaivve oažžu jienastit dušše jienastanbáikkis, mii lea merkejuvvon ilmmuhussii jienastanvuoigatvuođas. Iežas válgabeaivvi jienastanbáikki sáhttá ohcat maid čujuhusa vuođul DÁD jienastanbáikebálvalusas čujuhusas https://www.aanestyspaikat.fi

Bohtosiid rehkenastin 

Ovdajienaid rehkenastin álggahuvvo juo dalle go válgabeaivvi jienastus lea manname. Válgabeaivvi jienaid rehkenastin álggahuvvo dakkaviđe go válgalanjat giddejuvvojit. Álgodieđut rehkenastimis almmustuhttojuvvojit diibmu 20 rájes, goas ovdajienaid rehkenastin galgá leat válmmas. Válggaid álgobohtosat gárvánit eahkeda ja ija áigge. 

Dárkkistanrehkenastin doaimmahuvvo válgabiirelávdegottiin válgabeaivvi maŋit mánnodaga/vuossárgga 3.4. Válgabiirelávdegottit váfistit gaskavahkku 5.4. válggaid loahpalaš bohtosiid. Válggain válljejuvvon riikkabeaivvit álggaha barggus disdaga/maŋŋebárgga 11.4. 

Diehtu riikkabeaiveválggain lea fállun máŋgga gillii  

Válggat.fi-siidduin lea diehtu riikkabeaiveválggain eará gielaid mielde (suoma-, ruoŧa-, nuortalaš-, anáraš-, davvisáme-, suopmelaš ja suomaruoŧŧelaš seavagiella sihke máŋggat eanemus geavahuvvon vieris gielat, ee. eŋgelas-, arábia- estte- ja ruoššagiella).

Riekteministeriija YouTube -kanálaš gávdnojit dasa lassin čielga- ja seavagielalaš videot jienasteamis. Suoma- ja ruoŧagillii leat oažžunsajis čielgačilgehusat. Válggain dieđihuvvo maid čalmmehemiide heivvolaš hámis.  

Válgaruhtadeamis galgá dahkkojuvvot ilmmuhus SDD:ái 

Riikkabeaiveáirrasin válljejuvvon ja sadjásaš áirasat galget dahkat stáhtaekonomiija dárkkistandoaimmahahkii ilmmuhusa válgaruhtadeamisteaset. Ilmmuhus galgá addojuvvot maŋemusat 5.6.2023 rádjái. Lassidiehtu válgaruhtadanilmmuhusain čujuhusas www.vaalirahoitus.fi.

Lassidieđut:
válgahoavda Arto Jääskeläinen, tel. 02951 50128, [email protected]
sierraáššedovdi Laura Nurminen, tel. 02951 50008, [email protected]

Vaalit.fi Twitteris https://twitter.com/VaalitFI
Vaalit.fi Facebookis https://www.facebook.com/vaalit.fi 
Válgavideot Youtubes https://www.youtube.com/user/oikeusministerio/playlists

Diehtu ja bohtosat válgasiidduin www.vaalit.fi

  • Dieđut ovdajienastanbáikkiin ja daid rabasáiggiin 
  • Dieđut evttohasain ja evttohasnummárat. Evttohasdieđut leat oažžunsajis maid fiilan, maid sáhttá láddet. 
  • Ovdajienasteami áigge válgasiidduide áigeguovdilastojit diimmuid gaskka (maid vahkuloahpaid) dieđut ovddalgihtii jienasteddjiid meriin gielddaid mielde, válgabiirriid mielde ja oba riikkas. 
  • Siidduin sáhttá čuovvut álgorehkenastima ovdáneami válgaeahkeda 2.4. áigge. Álgorehkenastima gárváneami maŋŋel válgasiidduin muitaluvvojit álgojienaidrehkenastima mielde riikkabeaiveáirasiid namat ja jietnamearit. Dasa lassin muitaluvvojit bellodagaid jietnamearit ja jietnaossodagat oba riikkas, válgabiirriin ja gielddain. Go álgorehkenastin lea gárvvis, de siidduide bohtet buot evttohasaid jietnamearit sihke dieđut jienastanguovlluid guovdu. Álgorehkenastima bohtosat almmustuhttojuvvojit rehkenastima gárváneami maŋŋel maid fiilan, maid sáhttá láddet. 
  • Váfistuvvon bohtosat áigeguovdilastojit dárkkistanrehkenastima gárváneami maŋŋel gaskavahkku 5.4.
Sivun alkuun