Hyppää sisältöön
Valtioneuvosto ja ministeriöt Media

Sämitiggelaavâ nubástuttem valmâštâllâm álgá

Oikeusministeriö 27.11.2020 9.10

Riehtiministeriö lii asâttâm toimâkode valmâštâllâđ sämitiggelaavâ nubástusâid. Sämitiggeest adelum laavâ njuolgâdusah láá uásild puárásmâm, já njuolgâdusâi toimâmist láá aiccâm vädisvuođâid.

- Mun lam iiloost, ete sämitiggelaavâ nubástus valmâštellee toimâkode pargo piäsá tääl joton. Algâaalmug sämmilij vuoigâdvuođâi turvim váátá, ete sämmilij jiešhaldâšemorgaan kyeskee njuolgâdusah láá äigikyevdileh. Tääl lii tuođâi tehálâš kiergâttiđ nubástusâid, riehtiminister Anna-Maja Henriksson iätá.

Nubástuttempargo vuáđđun láá vuáđuvuoigâdvuođah já eres vuáđulaavâ asâttem kenigâsvuođah, ON algâalmugij vuoigâdvuođâi julgáštâs sehe eres rievti já almugijkoskâsij rievti ovdánem sehe majemui aaigij adelum miärádâsah. 

Toimâkoodán kuleh ovdâsteijeeh haldâttâspiäláduvâin já sämitiggeest já ton saavâjođetteijen tuáimá riehtiministeriö kansliahovdâ Pekka Timonen.

Toimâkode toimâpaje lii 1.12.2020 - 15.5.2021.

Uáiviminister Sanna Marin haldâttâsohjelm mield haldâttâs kunnijât já oovded puoh sämmilij já sämmilâšjuávhui kielâlij já kulttuurlij vuoigâdvuođâi olášuttem väldimáin huámášumán almugijkoskâsijd sopâmušâid.

Lasetiäđuh: 
Uásádâhhovdâ Johanna Suurpää, puh. +358 295150534, ovdânommâ.suhânommâ@om.fi
Statâčällee Malin Brännkärr, puh. +358 40 534 7727, ovdânommâ.suhânommâ@om.fi
Minister spesiališedeijee Niklas Mannfolk, p. +358 50 306 3990, ovdânommâ.suhânommâ@om.fi

Hahâlaasâ: Sämitiggelaavâ nubástuttem (suomâkielân) 
 

Sivun alkuun