FI SV SE

Sámi giellalága 31 §:s oaivvilduvvon doarjagat mieđihuvvon

Vuoigatvuođaministeriija 11.6.2019 12.31
Ođas

Vuoigatvuođaministeriija lea mieđihan sámi giellalága (1086/2003) 31 §:s oaivvilduvvon doarjagiid jahkái 2019. Doarjagat leat oaivvilduvvon sámi giellalága sámi giellalága heiveheamis 1.1.2019 maŋŋá šaddan dahje šaddi lassegoluid gokčamii.

Doarjagiid sáhttá mieđihit sámi ruovttuguovllu gielddaide, searvegottiide ja bálgosiidda ja lága 18 §:s oaivvilduvvon ovttaskasaide máinnašuvvon lága heiveheamis šaddan sierra lassigoluid gokčamii.

Doarjagiid várás dán jagi  lea várrejuvvon oktiibuot 150 000 euro stáhta bušeahta 2019 momeanttas 25.01.50, mii lea čujuhuvvon doarjagiidda sámiid kulturiešstivrejumi bajásdoallamii. Ohcamušat bohte mearreáiggi siste 8. Doarjagiid ohce oktiibuot 242 509,29 euro.

Doarjagiid mieđihedje jorgalan- ja dulkongoluide ja sámegiela stuđeremis šaddan lassigoluide. Lassin doarjja mieđihuvvui sámi ruovttuguovllu oktasaš giellastrategiija gárvvisteapmái. Ovttaskas ohccibeliide mieđihuvvon doarjjamearit ledje 700 euros gitta 74 000 euroi. Go doarjagiid ohce čielgasit eanet go mii lei mieđihanláhkái, eai doarjaga sáhttán mieđihit buot geavahanulbmiliidda. Mearrádusaide váikkuhii ee. Vejolašvuohta sirdit ovddit jagiin geavatkeahttá báhcán doarjaga jahkái 2019.

Vuoigatvuođaministeriija lea ohcamušaid vuođul mieđihan doarjaga čuovvovaččaide:

Vuovdaguoikka oktasaš čáhceviidodaga osolašgoddi, 3 300 e
Ohcejoga gielda, 24 000 e
Anára gielda, 38 000 e
Anára gielda, 74 000 e
Lappi bálggus, 700 e
Eanodaga gielda, 5 900 e
Soađegili gielda, 1 800 e
Anára searvegoddi, 2 300 e

Oktiibuot 150 000 e

Lassidieđut: hálddahusčálli Maija Iles, tel. 02951 50038, [email protected]

Säämi kielâlaavâ 31 § miäldásiih torjuuh mieđettum

Sääʹm ǩiõll-lääʹjj 31 § meâldla veäʹǩǩtieʹǧǧ miõttum