Skip to content
Media

Eeʹttiǩ-kåʹddvaali puäđõõzz neeʹttest 2.4. čiâss 20 ääʹljeeʹl

oikeusministeriö
Julkaisuajankohta 30.3.2023 11.27
Tiedote
Vaalit. Val.

Eeʹttiǩ-kåʹddvaalid tååimtet pâʹsspeeiʹv 2.4. Vaali vuâđđeei puäđõsteâđaid õlmstââʹttet neeʹttest vuõiggâdvuõttministeria puäđõskääzzkõõzzâst vaaljeäʹǩǩää čiâss 20 ääʹljeeʹl.

​​​Vuâđđeei puäđõsteâđain mušttlet laʹsǩǩeem ouddnummuž meâldlânji peällõõǥǥi jiõnnmieʹrid da jiõnnvuässõõzzid pirr Lääʹddjânnam, vaalvuuʹdi mieʹldd, kooʹddin da jiõnstemvuuʹdin. Võboršeǩmeâldlaž jiõnnmieʹrid õlmstââʹttet tõn mieʹldd, ko jiõnilaʹsǩǩummuš valmštââvv juõʹǩǩ jiõnstemvuuʹdest. Vaʹlljuum šõddâm oummid õlmstââʹttet, ko vuâđđeei laʹsǩǩummuš lij valmštõõvvâm juõʹǩǩ vaalvuuʹdest.

Puäđõõzzid õlmstââʹttet še laaddâmnallšem teâttõssân, ko laʹsǩǩummuš lij valmštõõvvâm.

Vaalvuʹvddluʹvddkååʹdd raʹvvje vaali puäđõõzz seärad 5.4. såbbriʹnez, koid altteet mââimõssân čiâss 18, mõõn mâŋŋa raʹvvjum puäđõõzzid peeiʹvtet puäđõskääzzkõʹsse.

Jiõnstummuš eeʹttiǩ-kåʹddvaalin vaalpeeiʹv

Teâtt vaalpeeiʹv jiõnstempääiʹǩest käunnai jiõnstemvuõiggâdvuõttiʹlmmtõõzzâst. Jiõnstempääiʹǩ vuäitt seʹlvvted še neeʹttest aanestyspaikat.fi-karttkääzzkõõzzâst leʹbe tõn vuäitt teâđstõõllâd vaali määusteʹmes kääzzkõsnââmrin 0800 9 4770 (lääddas) da 0800 9 4771 (ruõccâs).

Iʹlmmtõs jiõnstemvuõiggâdvuõđâst lij puättam Digi- da meerteâttkonttrest juʹn-a ǩeʹrjjen domoi leʹbe Suomi.fi-kääzzkõʹsse. Iʹlmmtõõzz vuõltteeš liâđǥlânji tõid, kook lie tiʹllʼjam veʹrǧǧneǩteâđtõõzzid Suomi.fi-kääzzkõʹsse.

Jiõnsteei âlgg puʹhtted ouʹdde čiõlǥtõõzz identiteeʹttstes jiõnstempääiʹǩest. Identiteeʹtt vuäitt tuõđšted veerǥlaž äʹššǩiiʹrjin, mâʹst lij snimldõk, mâʹte vuejjamkoortin leʹbe pååʹlez miõttâm persoonkoortin da paassin.

Lââʹssteâđ:
vaaljååʹđteei Arto Jääskeläinen, teʹl. 0295 150 128, ouddnõmm.j.sokknõ[email protected]
spesiaaläʹšštobddi Laura Nurminen, teʹl. 0295 150 008, ouddnõmm.sokknõ[email protected]
spesiaaläʹšštobddi Elina Siljamäki, teʹl. 0295 150 248, ouddnõmm.sokknõ[email protected]

Eeʹttiǩ-kåʹddvaali puäđõskääzzkõs neeʹttest
Vuõigg teâđ eeʹttiǩ-kåʹddvaalin da jiõnstummšest käunnʼje vuõiggâdvuõttministeria vaalseeidainhttps://vaalit.fi/sms
Vaalit.fi: Jiõnstummuš vaalpeeiʹv 
Jiõnstempääiʹǩ kaart âʹlnn www.aanestyspaikat.fi

Back to top