Ráđđehus álggaha sápmelaččaid soabadankommišuvnna válmmaštallama
Ráđđehus álggaha sámeáššiide guoskevaš soabadallanproseassa. Dan vuođđudeamis ráđđehus lea ságastallan ovttas Sámedikkiin.
“Suoma 100-jagiávvojagi temán lea “Ovttas”, ja ávvojagi vuoiŋŋas heive álggahit dán soabadallanbarggu, man anán dehálažžan,” Oaiveministtar Juha Sipilä gávnnaha.
Ráđđehusa lassebušeahtas evttohit 200 000 euro vuođđuduvvon soabadallankommišuvdna goluide.
Eará riikkain leat ollašuhttán dahje válmmaštallan eamiálbmogiid historjjá ja sajádaga guoskevaš kommišuvnnaid, main leat figgan doarjut eamiálbmogiid giela ja kultuvrra seailuma ja ovddidit soabalaš ovdáneami. Suomas earret eará sámegiela ja kultuvrra massin ásodatskuvllavásáhusaid oktavuođas leamašan ovdan.
“Sápmelaččat lea vuođđolága mielde Suoma eamiálbmot. Dan historjái gullet vánet čielggaduvvon jearaldagat, ja dan otná beaivái gullá hástalus giela ja kultuvrra seailumis maiddái boahttevaš sohkabuolvvaide”, dadjá vuoigatvuođaministtar Antti Häkkänen.
Lassidieđut: hoavda Johanna Suurpää, t. 0295 150 534, vuoigatvuođaministeriija ja sierraveahkki Janika Tikkala, t. 0295 160 403, stáhtaráđi kansliija