Áigetávval ii atte vejolašvuođa sámediggeválggaid sirdimii

Vuoigatvuođaministeriija 27.6.2019 12.10 | Published in English on 28.6.2019 at 11.32
Dieđáhus

Oaiveministtar Rinne ráđđehusprográmma mielde johtilis áigetávvaliin čielggadit sámediggeválggaid áiggi guoskevaš gažaldaga. Čielggadusa ja riikkabeivviid áigetávvala vuođul lea goittotge oaidnimis, ahte sámediggeválggaid, mat ordnejuvvojit čakčamánus, ii leat šat vejolaš sirdit.

Jearaldat sámediggeválggaid sirdimis laktása ON:id olmmošvuoigatvuođakomitea 1.2.2019 almmustahttán čovdosiidda. Suoma leat gávnnahan loavkidan ON:id siviila- ja politihkalaš rivttiid guoskevaš almmolašsoahpamuša sámedikki válgalogahallamii váldima guoskevaš váiddaáššiin. Olmmošvuoigatvuođakomitea deattuhii čovdosiiddisguin sámiid iešmearridanrievtti sajádagas ja servošis lahttuvuođa dáfus.

Ráđđehusprográmma mielde ráđđehus gudnejahttá ja ovddida buot sámiid ja sámejoavkkuid gielalaš ja kultuvrralaš vuoigatvuođaid ollašuvvama ja váldá vuhtii riikkaidgaskasaš soahpamušaid. Oassin dán barggu čielggadit ILO 169 -soahpamuša ratifiserema vejolašvuođaid, jotket barggu sámediggelága ođasmahttima ovdii sihke duohtavuođa- ja soabadankommišuvnna álggaheapmin. Ráđđehusa áigumuššan lea joatkit dialoga sámedikkiin sámediggelága ođasteami ja eará sámiide guoskevaš fidnuid ovddideamis.

- Sápmelaččat leat vuođđolága mielde eamiálbmot, ja sidjiide gullá eamiálbmotsajádahkii gullevaš riekti leat ieš váikkuheamen sidjiide guoskevaš áššiide, vuoigatvuođaministtar Anna-Maja Henriksson deattuha.

Sámediggi oinnii, ahte čakčamánu 2019 sámediggeválggaid livčče galgan sirdit, vai láhkaásaheami sáhtašii beaivádit ja ná garvit ođđa SP-soahpamuša loavkidemiid.

Lassidieđut:

sierraveahkki Otto Andersson tel. 0295 150 121, [email protected]

ossodatoaivámuš Johanna Suurpää, tel. 0295 150 534, ovdanamma.sohkanamma @om.fi

Áigetávval ii atte vejolašvuođa sámediggeválggaid sirdimii

Äiʹǧǧtaull ij vueiʹtlvâstt sääʹmteʹǧǧvaali seerd