Evttot jagi 2018 Demokratiijabálkkašumi oažžu – temán demokratiija- ja olmmošvuoigatvuođabajásgeassin

Vuoigatvuođaministeriija 18.6.2018 14.37
Dieđáhus

Vuoigatvuođaministeriija jagi 2018 Demokratiijabálkkašumi temán ja demokratiija- ja olmmošvuoigatvuođabajásgeassin. 10 000 euro sturrosaš bálkkašupmi sáhttá mieđihuvvot ovtta álbmotservoša ovddasteaddji doaibmii dahje dat sáhttá juhkkojuvvot máŋgga doaibmi gaskka. Evttohusaid bálkkašumi oažžun sáhttá dahkat borgemánu 20. beaivvi rádjai.

Demokratiijabálkkašumiin háliidat bajidit ovdan ja juohkit álbmotservodaga buriid geavadagaid demokratiija- ja olmmošvuoigatvuođabajásgeassima ovddideapmin. Bálkkašumiin háliidit seammás giitit demokratiija- ja olmmošvuoigatvuođabajásgeassima suorggis bargan doaibmiid.

Bálkkašumi oažžun evttohuvvon doaibma sáhttá leat ovdamearkan dakkár skuvlejupmi, bajásgeassin dahje dieđiheapmi, mii figgá addit olbmuide válmmašvuođaid ovddidit iežaset jurddaguottuid ja doaibmavugiid olmmošvuoigatvuođamieđalaš kultuvrra nannemin. Dat sáhttá maiddái figgat addit olbmuide válmmašvuođaid geavahit ja bealuštit demokráhtalaš vuoigatvuođaideaset ja ovddasvástádusaideaset servodagas máŋggabealatvuođa arvvus atnimiin.

Bálkkašuvvon olbmuid vállje duopmárjoavku, masa gullet presideanta Tarja Halonen ja professor Arto Kallioniemi Helsset universiteahtas. Bálkkašupmi juhkkojuvvo riikkaviidosaš demokratiijabeaivvi oktavuođas golggotmánu 9. beaivve.

Evttohusat bálkkašuvvon olbmuin váldojuvvojit vuostá 18.6.-20.8. elektrovnnalaččat čujuhusas www.otakantaa.fi/fi/hankkeet/247/ ja poastta bokte čujuhusas Oikeusministeriö/kirjaamo, PL 25, 00023 Valtioneuvosto (galledančujuhus Ritarikatu 2 B, Helsinki).

Vuoigatvuođaministeriija demokratiijabálkkašupmi juhkkojuvvo dál viđát geardde. Dán jagi vuoigatvuođaministeriija ovttasbargoguoibmin leat oahpahus- ja kulturministeriija, Stáhta nuoraidráđđi, oahpahusráđđehus, Olmmošvuoigatvuođaguovddáš sihke Historjjá ja servodatdieđu oahpaheaddjiid lihttu HYOL ry.

Lassidieđut:

áššedovdi Liisa Männistö (18.6.-13.7. sihke 6.-20.8.), t. 0295 150231

sierraáššedovdi Maria Wakeham-Hartonen (18.-28.6. sihke 9.-20.8.), t. 0295 150416

ráđđádalli virgeolmmoš Heini Huotarinen (16.7.-3.8.), t. 0295 150127

Vuoigatvuođaministeriija šleađgapoastačujuhusat leat hámis [email protected]

Iävtut ive 2018 Demokratiapalhâšume uážžoo – teeman demokratia- já olmoošvuoigâdvuotâšoddâdem

Eʹtǩǩed eeʹjj 2018 Demokratiapäʹlǩǩõõzz vuäǯǯai – teeʹmmen demokratia- da ooumažvuõiggâdvuõttšõddeem