FI SV SE

Ráđđehus geassá eret riikkabeivviin ILO 169 -soahpamuša ratifiserenevttohusa

Vuoigatvuođaministeriija 24.1.2019 14.24 | Published in English on 24.1.2019 at 14.25
Dieđáhus
Ráđđehus geassá eret riikkabeivviin ILO 169 -soahpamuša ratifiserenevttohusa

ILO 169 -soahpamuša ratifiseren ii ovdán dán ráđđehusbaji áigge. Stáhtaráđđi attii odne riikkabeivviide virggálaš čállosa, mainna dat geassá eret jagi 2014 addojuvvon ráđđehusa evttohusa iehčanas riikkaid eamiálbmot- ja čeardaálbmogiid guoskevaš almmolašsoahpamuša ratifiserema. Ráđđehusa evttohus lea teknihkalaččat boarásmuvvan eará láhkaásahannuppástusaid dihtii.

Soahpamuša ratifiserenevttohus leamašan riikkabeivviid gieđahallamis jagi 2014 rájes, goas dan eai háhppehan gieđahallat ovdal jagi 2015 riikkabeaiválggaid. Ráđđehusa evttohus lea teknihkalaččat boarásmuvvan earret eará Meahciráđđehusa guoskevaš láhkanuppástusa dihtii. Go vuođđoláhkaváljagoddi lea jo addán smiehttamušas áššis, ii ráđđehusa evttohusa sáhte šat dievasmahttit.

ILO 169 -soahpamuša ratifiseren gáibidivččii ođđa ráđđehusa evttohusa válmmaštallama ovttas Sámedikkiin. Geavatlaččat válmmaštallama ii šat geargga dahkat dán ráđđehusbaji áigge. Vuoigatvuođaministeriija lea ráđđádallan áššis Sámedikkiin.

Evttohusa šluhtten ii sisttisdoala bealiváldima das, ahte ratifiserejuvvogo soahpamuš maŋŋeleappos.

ILO 169 -soahpamuša ratifiseren, davviriikalaš sámesoahpamuš ja sámediggelága ođasmahttin bohtet čuovvovaš ráđđehusa guorahallamii.

Lassidieđut: ráđđádalli virgeolmmoš Yrsa Nyman, tel. 02951 50293, šleađgapoasta hámis: ovdanamma.sohkanamma@om.fi

Halltõs ǩeäss meädda parlameeʹntest ILO 169 -suåppmõõžž ratifiâʹsttemčuäjtõõzz 

Haldâttâs kiäsá meddâl ovdâskoddeest ILO 169 -sopâmuš ratifisistemoovdânpyehtim