FI SV SE

Diggeriektefierpmádat ođasnuvvá boahtte jagi álggus

Vuoigatvuođaministeriija 19.11.2018 13.49
Dieđáhus
Diggeriektefierpmádat ođasnuvvá boahtte jagi álggus

Diggerivttiid ráhkadusođastus boahtá fápmui boahtte jagi álggu rájes. Ođastusa maŋŋel diggerievttit leat 20. Ođastusain háliduvvo sihkkarastojuvvot diggerivttiid doaibmannákca maid boahtteáiggis.

Ođastusas ovttastuvvet Espoo ja Länsi-Uusimaa diggerievttit, Gaskabađaeatnama diggerievttit, Oulu ja Ylivieska-Raahe diggerievttit sihke Giepma-Durdnosa ja Sámi diggerievttit. Dasa lassin ovttastuvvet Itä-Uusimaa, Tuusula ja Vantaa diggerievttit ja oassi Hyvinkää diggerievtti duopmobiirres sihke Kanta-Häme  diggeriekti ja oassi Hyvinkää diggerievtti duopmobiirres.

Boahtte jagi álggu rájes diggerievttit leat dađi lági mielde Espoos, Helssegis, Hämeenlinnas, Joensuus, Jyväskyläs, Kajaanis, Kouvolas, Kuopios, Lahtis, Lappeenrantas, Mariehamnas, Mikkelis, Oulus, Poris, Roavenjárggas, Seinäjokis, Tamperes, Turkus, Vaasas ja Vantaas.

Diggerivttiid doaibmabáikkit leat boahttevuođas 36 báikegottis. Diggerivttiid 20 hálddahuslaš kansliija lassin sierra kansliijat leat Hyvinkääs, Giemas, Kokkolas ja Ylivieskas. Sierra čoakkánbáikkit leat dasa lassin Anáris (Aviil), Kauhavas, Gihttelis, Guossámis, Nurmesis, Porvoos, Raaseporis, Raumas, Salos, Savonlinnas, Soađegilis ja Ohcejogas.

Diggeriektefierpmádaga earáhuvvan váikkuha maid hoavvariektebiiriide ja dasa, man hoavvarievttis ohccojuvvo nuppástus diggerievtti mearrádussii. Boahttevuođas Hyvinkää diggerievtti davvigielddat, Hausjärvi, Loppi ja Riihimäki, sirdásit Helssega hoavvariektebiirres Turku hoavvariektebiirii. Dáláš Länsi-Uusimaa dieggerievtti duopmobiire bealistis sirdása Turku hoavvarievtti duopmobiirres Helssega hoavvarievtti duopmobiirii.

Jagi 2019 álggu rájes maiddái dihto diggerivttiid gieđahallamii čohkkejuvvon áššejoavkkuid duopmobiirejuhkui bohtet rievdadusat. Dát guoská mearrariekte-, joavkováidda-, bággobearranváidda-, fitnodatsaneren- ja soalddatriektegeavvanáššiid.

Dasa lassin čakčamánu 2019 rájes summáralaš riidoáššiid gieđahallan čohkkejuvvo Ålándda, Helsseha, Itä-Uusimaa, Kymenlaakso, Sámi, Oulu, Pirkanmaa, Davvibađaeatnama ja Varsinais-Suomi diggerivttiide. Summáralaččat leat earret eará dakkár riiddohis vealgunáššit, maid diggeriekti mearrida čálalaš meannudeamis.

Ođastusa ulbmilin lea nannet diggeriektefierpmádaga ráhkadusa nu, ahte riektedorvvu oažžun ja láhkageavahusa šládja sáhttá dorvvastuvvot boahtteáiggisnai. Rievdadusain, mat dál dahkkojuvvojit, lea viggojuvvon duddjojuvvot beaktilis ja geográfalaččat nohkka gokčevaš doaibmabáikefierbmi, mas diggerivttiid bargomearri sihke resurssat sáhttet juhkkojuvvot dáláža beaktileappot ja dássedeappot.

Diggerievttit 2019 rájes

DIGGERIEKTI KANSLIIJA ČOAKKÁNBÁIKI

Ålándda diggeriekti

Mariehamn Mariehamn
Lulli-Gárjila diggeriekti Lappeenranta Lappeenranta
Lullibađaeatnama diggeriekti Seinäjoki

Kauhava

Seinäjoki

Etelä-Savo diggeriekti Mikkeli

Mikkeli

Savonlinna

Helssega diggeriekti

Helsset Helsset

Itä-Uusimaa diggeriekti

Vantaa

Hyvinkää

Hyvinkää

Porvoo

Vantaa

Kainuu diggeriekti Kajaani Kajaani
Kanta-Häme diggeriekti Hämeenlinna Hämeenlinna

Gaska-Suoma diggeriekti

Jyväskylä Jyväskylä

Kymenlaakso diggeriekti

Kouvola Kouvola
Sámi diggeriekti

Roavenjárga

Giepma

Anár (Avvil)

Giepma

Gihttel

Roavenjárga

Soađegilli

Ohcejohka

Länsi-Uusimaa diggeriekti Espoo

Espoo

Raasepori

Oulu diggeriekti

Oulu

Ylivieska

Kuusamo

Oulu

Ylivieska

Pirkanmaa diggeriekti

Tampere Tampere
Davvibađaeatnama diggeriekti

Vaasa

Kokkola

Kokkola

Vaasa

Davvi-Gárjila diggeriekti Joensuu

Joensuu

Nurmes

Pohjois-Savo diggeriekti Kuopio Kuopio
Päijät-Häme diggeriekti Lahti Lahti
Satakunta diggeriekti Pori

Pori

Rauma

Varsinais-Suomi diggeriekti Turku

Salo

Turku

Lassidieđut:

prošeaktahoavda Jyrki Määttä, tel. 02956 49743, ovdanamma.goargu@om.fi

Lassidiehtu ráhkadusođastusas ja dihto áššejoavkkuid čohkkemis   

Diggerivttiid duopmobiirret

 

Keerrivriehtiviärmádâh uđâsmuvá puáttee ive aalgâst

Suudvuõiǥâs-säiʹmmõs ođđan puõʹtti eeʹjj aalǥâst