FI SV EN SE

Davviriikalaš sámesoahpamušas ráđđádallanboađus

Vuoigatvuođaministeriija 21.12.2016 14.04
Dieđáhus

Davviriikalaš sámesoahpamuša leat válmmaštallan badjel logi jagi. Soahpamuš gárvvásmuvvá sámiid čuohtejagiávvudeami áigge. Suopma dohkkeha soahpamuša ja čađaha našuvnnalaš fápmuibidjandoaimmaid lohppii dán válgajagi áigge.

Soahpamuš sisttisdoallá oktasaš davviriikalaš njuolggadusa sámedikki válggain jietnavuoigadahtton olbmos. Oktasaš jietnavuoigatvuohta dávista Norgga láhkaásaheami, mii lea fámus. Suoma dáfus nuppástusat dárkkálnuhttojit našuvnnalaš láhkaásaheamis čuovvovaš, čavčča 2019 válggaid rádjai.

Soahpamuš dorvvasta sámiid vuođđolágalaš vuoigatvuođa iežas giela ja kultuvrra bajásdoallamii ja ovddideapmái.

Soahpamuš ii nuppástuhte eana- ja čáhcevuoigatvuođaid sámiid ruovttuguovllus. Soahpamuša láidehusas gávnnahuvvo, ahte soahpamuš dorvvasta, muhto ii nuppástuhte dálá vuoigatvuođaid sámeguovllus. Soahpamuša fápmuibidjanlágas dárkkálnuhttet eana- ja čáhcevuoigatvuođamearrádusaid. Sápmelaččaid oassálastinvejolašvuođaid stáhta eana- ja čáhceviidodagaid  dikšuma ja geavaheami plánemii ovddidat Meahciráđđehusa oktavuhtii vuođđuduvvon ráđđádallangottiin gielddaid guovdu Eanodagas, Anáris ja Ohcejogas.

Soahpamuš deattuha sápmelaččaid árbevirolaš ealáhusaid mearkkašumi sámegillii, kultuvrii ja servodateallimii. Boazodoalu, guollebivddu, meahccebivddu ja sámi giehtaduoji olis kultuvrralaš ja luovvi ealáhusat, turisma ja ealáhusaid otnábeaivve hárjehanhámit máinnašuvvojit soahpamušas. Ealáhusaide guoskevaš njuolggadusat dárkkálnuhttojuvvojit našuvnnalaččat soahpamuša fápmuibidjama oktavuođas

Lassidieđut:

Ministara sierraveahkki Leena Riekkola, tel 02951 60375

VM / Jođiheaddji Johanna Suurpää, tel. 02951 50534

EMM / allahoavda Pentti Lähteenoja, tel 02951 62485

 
 
Jari Lindström