Vuõiggâdvuõttministeria väldd ââʹnnma gov.fi-ǩeäjjõõzz neʹttpååʹštaddrõõzzid 

Riikksuåvtõs väldd podd pooddi ââʹnnma õhttsaž neʹttpååʹštaddrõõzz gov.fi. Loppeeʹjj 2021 ääiʹj puki ministeriai tuâjjlažkååʹdd neʹttpååʹštaddrõõzzi ǩeäjjõssân mottai gov.fi. Riikksuåvtõõzz kanslia da vuõiggâdvuõttministeria väʹldde gov.fi-ǩeäjjõõzz vuõssmõsân ââʹnnma 23.8.2021 ääʹljeeʹl. 

Tuâjjlažkååʹdd neʹttpååʹštaddrõõzz lie oođummuž mâŋŋa häämast ouddnõmm.sokknõ[email protected] Jõs oummust lij riikkvaldšmest tiuddnõmmkäiʹmm, lij addrõõzzâst tän lââʹssen lââʹsstiõtt mâʹte kõskkbukva. 

Vuõiggâdvuõttministeria rekisterâʹsttemkonttâr ođđ neʹttpååʹštaddrõs lij kirjaamo.om(at)gov.fi. 

Vuäʹmm addrõõzzid vuõlttuum saaǥǥ dååiʹde võl kueiʹt eeʹjj ääiʹj. Muuttâs ij vaaikât ministeriai neʹttseeidai addrõõzzid, kook seilla seämmanallšeʹmmen ko ouddâl.

Hoʹhsse, što gov.fi-neʹttpååʹštaddrõõzzi ǩeäjjõõzz jie toiʹmme ouddâl ko juõʹǩǩ ministeria lij välddam tõid ââʹnnma. Ââʹnnmavälddmõš šâdd podd pooddi. Vuäitak täʹrǩsted ääiʹjtässʼsaž õhttvuõtt-teâđaid oikeusministerio.fi:st

Ââʹnnmavälddmõõžž äiʹǧǧtaull

  • Riikksuåvtõõzz kanslia da vuõiggâdvuõttministeria väʹldde gov.fi-ǩeäjjõõzz ââʹnnma 23.8.2021 ääʹljeeʹl.
  • Joottlõk- da saaǥǥtem-ministeria, mädd- da meäʹcctäällministeria, mättʼtõs- da kulttuurministeria, peälštem-ministeria di pirrõsministeria väʹldde gov.fi-ǩeäjjõõzz ââʹnnma 6.9.2021 ääʹljeeʹl.
  • Sosiaal- da tiõrvâsvuõttministeria, tuâjj- da jieʹllemvueʹǩǩministeria di riikkvääraiministeria väʹldde gov.fi-ǩeäjjõõzz ââʹnnma 20.9.2021 ääʹljeeʹl.
  • Siiʹsǩministeriast neʹttpååʹštaddrõõzzi ǩeäjjõs lij govsec.fi 4.10.2021 ääʹljeeʹl.
  • Ålggaaʹššivaaldâšm väldd gov.fi-ǩeäjjõõzz ââʹnnma kålggmannu looppâst.

Äiʹǧǧtaull vuäitt mottjed.

Täujja kõččum kõõččmõõžž riikksuåvtõõzz seeidain