Riehtiministeriö váldá anon šleđgâpostâčujottâsâid, main lii gov.fi-kiäjus

Staatârääđi váldá mudoi mield anon ohtsii šleđgâpostâčujottâs gov.fi. Loppâive 2021 ääigi puoh ministeriöi pargovievâ šleđgâpostâčujottâsah muttojeh nuuvt, ete kiäjus lii gov.fi. Vuossâmužžân gov.fi-kiäččus váldá anon staatârääđi kanslia já riehtiministeriö 23.8.2021 rääjist.

Pargovievâ šleđgâpostâčujottâsah láá uđâsmittem maŋa häämist ovdânommâ.suhânommâ@gov.fi. Jis ulmust lii staatâhaldâttuvâst oleskäimi, te čujottâsâst lii toos lasseen lasetubdâldâs tego koskâpuustav.

Riehtiministeriö kirjimkonttur uđđâ šleđgâpostâčujottâs lii kirjaamo.om(at)gov.fi.

Puáris čujottâssáid vuolgâttum viestah maneh vuástáväldei vala kyevti ive ääigi. Nubástus ij vaaigut ministeriöi viermisiijđoi čujottâssáid, moh siäiluh ovdebin.

Ama huámášah, ete gov.fi-šleđgâpostâčujottâsâi kiäččuseh iä tooimâ ovdil ko jieškote-uv ministeriö lii váldám taid anon. Anonväldim tábáhtuvá mudoi mield. Tun puávtáh tärhistiđ ääigitásásijd ohtâvuotâtiäđuid oikeusministeriö.fi:st (suomâkielân).

Anonväldim äigitavlu

  • Statârääđi kanslia já riehtiministeriö väldih gov.fi-kiäččus anon 23.8.2021 rääjist.
  • Jotolâh- já viestâdemministeriö, eennâm- já meccituáluministeriö, máttááttâs- já kulttuurministeriö, piäluštâsministeriö já pirâsministeriö väldih gov.fi-kiäččus anon 6.9.2021 rääjist.
  • Sosial- já tiervâsvuotâministeriö, pargo- já iäláttâsministeriö já staatâvarijministeriö väldih gov.fi-kiäččus anon 20.9.2021 rääjist.
  • Sisministeriöst šleđgâpostâčujottâsâi kiäjus lii govsec.fi 4.10.2021 rääjist.
  • Olgoašijhaldâttâh váldá gov.fi-kiäččus anon roovvâdmáánu loopâst.

Äigitaavlun pyehtih šoddâđ nubástusah.

Távjá koijâdum koččâmušah staatârääđi siijđoin