Válmmašvuohtaplánen
Servodaga dorvvolašvuohtastrategiija vuoigatvuohtaministeriija hálddahussuorggis
(Stáhtaráđi prinsihppamearrádus 16.12.2010)
Stáhtaráđi prinsihppamearrádusas servodaga earenoamáš dehálaš doaimmaid dorvvasteamis (SEDD-strategiija) meroštallojuvvojit juohke ministeriija hálddahussuorggi ovddasvástádusat ja barggut árro- ja sierradiliin sihke spiehkastatdiliin.
Strategiija ulbmil
Suoma olgo-, dorvvolašvuohta- ja bealuštanpolitihka deháleamos barggut leat Suoma iehčanasvuođa, guvllolaš guoskameahttuma ja vuođđoárvvuid dorvvasteapmi, álbmoga dorvvolašvuođa ja buresbirgejumi ovddideapmi sihke servodaga doaibmivuođa doalaheapmi.
Doaibmit
Servodaga earenoamáš dehálaš doaimmaid dorvvasteami jođiha, bearráigeahččá ja soabaha oktii stáhtaráđđi sihke doaibmaválddálaš ministeriija hálddahussuorggistis. Ráhkkaneapmái ja doaimma johttáheapmái guhtege doaibmaválddálaš eiseváldi geavaha lágas mearriduvvon normáladiliid doaibmafápmudusaid.
Earenoamáš dehálaš doaimmat
Earenoamáš dehálaš doaimmat leat doareshálddahuslaččat, servodahkii vealtameahttun doaibmaollisvuođat, mat galget leat dorvvastuvvon buot diliin.
Suopmelaš servodaga earenoamáš dehálaš doaimmat leat:
- stáhta jođiheapmi
- riikkaidgaskasaš doaibma
- Suoma bealuštannákca
- siskkáldas dorvvolašvuohta
- ekonomiija ja infrastruktuvrra doaibmivuohta
- álbmoga áigáiboahtodorvu ja doaibmannákca
- vuoiŋŋalaš kriisagierdavašvuohta
Vuoigatvuohtaministeriija hálddahussuorggi barggut SEDD-strategiijas
- Riektestáhta dorvvasteapmi
- Válggaid ollašuhttin
- Riektedorvovuogádaga doaibmannávcca dorvvasteapmi
Ministeriijaid fuolahussihkarvuođa ovddasvástádusat
Stáhtaráđđi lea mearridan láhkaásaheapmái, mii laktása fuolahussihkarvuhtii, vuođđudettiin fuolahussihkarvuođa ulbmiliin (VNp 539/2008). Mearrádusas ministeriijat geatnegahttojit stivret ja čuovvut doaibmasuorggisteaset servodaga earenoamáš dehálaš doaimmaid doarvvasteapmái gullevaš bargguid ollašuhttima ja doaibmannávcca gárgeheami. Mearrádus gáibida maid iešguđege ministeriija gárgehit fuolahussihkarvuođa iežas doaibmasuorggis.
Vuoigatvuohtaministeriija fuolahussihkarvuođa ovddasvástádusat
Vuoigatvuohtaministeriija árvvoštallá válmmašvuohtalága doaibmivuođa modearna uhkkegovaid diliin sihke vejolaš láhkaásahandárbbuid normáladiliid duođalaš árrodiliid čuvodettiin.
Sierradilit
Ovddasvástádus veahkaválddi duostumis, mii čuohcá eiseválddiide ja earret eará vihtaniidda, lea sisáššiidministeriijas ovttas vuoigatvuohtaministeriijain.
Vuoigatvuohtaministeriija hálddahussuorggi virgedoaimmahagain sierradilálašvuođaide lea ráhkkanuvvon earret eará rihkusčuovvumušvirgedoaimmahagas ja Sivaheaddji virgedoaimmahagat. Stuorabárttiid dutkkadeami ovddasvástádus lea bártedutkanguovddážis.