Vuoigatvuohtaministeriija hálddahussuorggi guovddáš ulbmilat ja barggut 2016–2019

Vuoigatvuohtaministeriija hálddahussuorggis boađusstivren ođasnuhttojuvvo. Stáhtaráđi oktasaš linnjema mielde ulbmilin lea ovddit strategalaččat, geahppasit, doareshálddahuslaččat ja oktilaččat boađusstivren.

Guovddáš ulbmil lea lasihit guhkesáigásašvuođa doaimma ja ekonomiija oktiisoabaheamis. Ođastusa mielde lea sirdásuvvon njealjijahkásaš boađussoahpamušmállii ja leat váldon atnui strategiijagárttat, maiguin hálddahussuorggi virgedoaimmahagaid boađusulbmilat ovdanbuktojuvvojit oktilis vuogi mielde. Ođasnuhttojuvvon boađusstivrenmálle lea leamaš vuosttaš geardde anus plánenáigodagas 2016−2019. Boađusstivremis váldojuvvo ovdalačča čielgaseappot vuhtii ráđđehusprográmma ja ráđđehusa doaibmaplána, vai ráđđehusa ulbmilat sirdásivčče boatkkahis viđjin buot doaibmadásiide, vuhtii válddedettiin goitge láhkageavahusa sorjjasmeahttunvuohta. Strategiijavuolggalaš plánema vuođđun leat láhkaásaheamis meroštallojuvvon organisašuvnnaid vuođđobarggut.

Vuoigatvuohtaministeriija hálddahussuorggi strategiijagárttas leat govviduvvon hálddahussuorggi višuvdna jahkái 2025 sihke hálddahussuorggi servodatlaš váikkuhanvuođa ulbmilat, bargiidulbmilat ja ekonomiija ulbmilat jagiide 2016-2020 sihke hálddahussuorggi guovddáš doaibmabijut dáid ulbmiliid ja višuvnna olaheami várás.