Hyppää sisältöön
Media

Sámi giellalága vuođul máksojuvvon doarjagat

Vuoigatvuođaministeriija
Julkaisuajankohta 25.2.2019 12.48
Ođas

Vuoigatvuođaministeriija almmuha ohcanláhkái sámi giellalága (1086/2003) 31 §:s oaivvilduvvon doarjagiid. Doarjagat leat dán jagi geavahanláhkái oktiibuot 150 000 euro.

Doarjaga sáhttá mieđihit sámiid ruovttuguovllu gielddaide, searvegottiide ja bálgosiidda ja maiddái lága 18 §:s dárkkuhuvvon priváhta beliide lága heiveheamis šaddan sierra lassigoluid gokčamii. Dál ohccojuvvon doarjagat leat oaivvilduvvon 1.1.2019 maŋŋá šaddan dahje boahttevaš lassigoluide.

Friddjahápmásaš ohcamušaid galgá doaimmahit vuoigatvuođaministeriijai maŋimustá 1.4.2019 dmu 16:15 elektrovnnalaččat čujuhussii oikeusministerio(at)om.fi. Ohcamuša sáhttá doaimmahit maiddái poastačujuhussii Oikeusministeriö, Demokratia-, kieli- ja perusoikeusasioiden yksikkö, PL 25, 00023 Valtioneuvosto. Dušše mearreáigái boahtán ohcamušat váldojit vuhtii.

Ohcamušas galgá čielggadit daid sierra lassigoluid, maid gokčamii doarjja ohccojuvvo.

Jus ohcamuš dahkko sámi giellalága 18 §:a vuođul, ohcamušas galgá čilget maiddái, ahte ohcci lea máinnašuvvon láhkačuoggás dárkkuhuvvon priváhta oassebealli. Jus ohccin lea siviilavuoigatvuođalaš ovttastupmi dahje vuođđudus, ohcamuššii galgá laktojuvvot ovttastumi dahje vuođđudusa registtarválddus ja maiddái maŋimuš nannejuvvon ruhtadoalloloahpaheapmi, doaibmačilgehus ja ruhtadoallodárkkistanmuitalus.

Ohcamušas galgá maid čielgasit almmuhit ohcci oktavuođadieđut, gos ohcci lea fáhtemis oba meannudeami áigge, sihke kontonummir (IBAN-hámis), gosa vejolaččat mieđihuvvon doarjja máksojuvvo. Oktavuođadieđuide bivdit merket ohcci šleađgapoastačujuhusa, jus ohcci miehtá dasa, ahte mearrádus ja eará oktavuođaváldimat doaimmahuvvojit elektrovnnalaččat.

Ohcamušmeannudeamis čuovvut stáhtaveahkkelága (688/2001).

Lassidieđuid: hálddahusčálli Maija Iles, [email protected], 02951 50038.

 

TORJUUH, MOH MÁKSOJEH SÄÄMI KIELÂLAAVÂ VUÁĐULD

SÄÄʹM ǨIÕLL-LÄÄʹJJ VUÄIVVA MÄʹHSSEM VUEʹLNN ÅÅRRAI VEÄʹǨǨTIEʹǦǦ

Back to top