Láhkaválmmaštallama gárgeheapmi

Njuolggadusválmmaštallama gárgeheami (buoret mearrideapmi) ulbmilin lea buoridit njuolggadusválmmaštallama ja njuolggadusaid kvaliteahtta, mat dan boađusin šaddet. Ulbmilin lea mudden, mii čuoziha rievttesládje, lea doaibmi, jearggalaš ja ipmirdahtti. Dása viggojuvvo álbmotlaččat earret eará nu ahte gárgehuvvo ráđđehusa njuolggadusválmmaštallama koordineren, njuolggadusválmmaštallama máhttin ja rávven.

Láhkaválmmaštallama gárgeheami ovttasbargojoavku

Láhkaválmmaštallama gárgeheami ovttasbargojoavku joatká doareshálddahuslaš ovttasbarggu ministeriijaid gaskkas láhkaválmmaštallama gárgeheami várás.

Láhkaválmmaštallama gárgehanfidnut

Guovddáš fidnut, mat gullet láhkaválmmaštallamii ja dan gárgeheapmái.

Láhkaválmmaštallama máhttin

Láhkaválmmaštallama kvaliteahta buorideami várás ministeriijaid virgeolbmuid láhkaválmmaštallanmáhttu čiekŋuduvvo ja viiddiduvvo máŋgga ládje.

Váikkuhusaid árvvoštallan

Váikkuhusaid árvvoštallan buvttada dieđu plánenvuloš láhkaásaheami váikkuhusain, daid mearkkašahttivuođas ja vejolaš vahátlaš váikkuhusaid litnudanvejolašvuođain.

Gullan

Gullamiin dárkkuhuvvo guovddáš čanusjoavkkuid oaiviliid, dieđuid ja muosáhusaid háhkan válmmaštallanvuloš áššis.

Láhkaválmmaštallanrávvagat

Stáhtaráđi olis gustojeaddji rávvagat dehe ávžžuhusat, maid ulbmilin lea dahkat ovttalágánin sierra ministeriijaid njuolggadusválmmaštallangeavat.

Álbmotlaš mearrádusválmmaštallama gárgeheami ulbmilat

Juha Sipilä ráđđehusa mielde njuolggaduspolitihka stivren čielggasmahttojuvvo ja ulbmilin lea muddema nettomearrásaš geahpideapmi ja njuolggadusaide molssaevttolaš stivrenvugiid geavahusa lasiheapmi. Ulbmilin lea duššás muddema burgin ja hálddahuslaš noađi geahpideapmi. EU-njuolggadusaid doaibmabijus biehttaluvvo álbmotlaš lassimuddemis.

Ráđđehusprográmmas lea listen ollašuhttinvuloš doaibmabijuin:

  1. Vuođđuduvvo stáhtaráđi oktavuhtii láhkaásaheami váikkuhusárvvoštallanorgána
  2. Čollojuvvojit njuolggadusat, mat eanemusat árret riikkavuložiid árgga, fitnodatdoaimma, eanandoalu, investeremiid, huksema, dearvvaš gilvvu ja eaktodáhtolašbarggu
  3. Dakkaviđe álgojuvvojit burgojuvvot norpmat, mearrádusat ja rávvagat, mat hehttejit riikkavuložiid ja fitnodatdoaimma
  4. Njuovžžilmahttojuvvojit lohpe- ja váidinproseassat ja addojuvvo bálvalanlohpádus, mii daidda guoská
  5. Eiseválddiid gaskavuođa váidalusaid mearri vuollerádjái ovdamearkka dihte ovdaráđđádallanmeannudemiin.

Lassidiehtu: Ráđđehusprográmma (stáhtaráđđi) (suomagillii)