Ulbmilin rabas ja aktiiva servodat

Vuoigatvuođaministeriija strategiija muitala ministeriija višuvnna, vuođđodoaimma sihke viiddessuorggát ulbmiliid. Vuoigatvuođaministeriija višuvdna lea rabas ja aktiiva servodat, masa juohkeokta sáhttá dovdat iežas gullat ja mas sáhttá luohttit vuoigatvuođaidmis ollašuvvamii.

Riekteministeriija strategiija

Vuoigatvuođaministeriija vuođđobargu ja árvvut

Vuoigatvuođaministeriija vuođđobargun on fuolahit riektestáhta doaibmivuođas. Vuoigatvuođaministeriija

  • ovddida demokratiija ja vuođđorivttiid ollašuvvama
  • ovddida riektedorvvu ja rihkusovddasvástádusa ollašuvvama
  • dorvvasta iežas hálddahussuorggi doaibmaneavttuid
  • válmmaštallá iežas doaibmansuorggi láhkaásaheami
  • gárgeha stáhtaráđi láhkaválmmaštallama.

Vuoigatvuođaministeriija doaibmá oktilis stáhtaráđi oassin. Vuoigatvuođaministeriija čuovvu stáhtaráđi oktasaš árvvuid, mat leat:

  • rabasvuohta
  • dásseárvu
  • luohttámuš
  • bálvalanprinsihppa
  • bealátkeahtesvuohta ja sorjjasmeahttunvuohta
  • doaimma bohtosat
  • šládja ja nanu áššedovdamuš
  • vásttolašvuohta.

Vuoigatvuođaministeriija strategiija ulbmilat

Vuoigatvuođaministeriija strategiija ulbmilat juohkásit servodatlaš váikkuhanvuođa ulbmiliidda, doibmii gullevaš boađusulbmiliidda, bargoveahkaulbmiliidda sihke ekonomiija ulbmiliidda.

1. Servodatlaš váikkuhanvuođa ulbmilat

  • Oassalálastinrievttit ja váikkuhanvejolašvuođat ollašuvvet ovttaveardásaččat
  • Áigáiheivvolaš ja movttiidahtti riekteortnet ovddida ja dorvvasta olbmuid, fitnodagaid ja servošiid doaibmama vejolašvuođaid
  • Buorrešlájat láhkaválmmaštallan dorvvasta eavttuid buresbirgejupmái ja gilvonávccaide
  • Allašlájat riektedorvu lea buohkaid oažžunsajis
  • Rihkusovddasvástádus ollašuvvá vuoiggalaččat. Rihkolašvuohta ja dorvvuhisvuođa dovdamušat unnot.

2. Doaibmama boađusulbmilat

  • Digitála čovdosat adnojuvvojit ávkin ovddasvástáduslaččat máŋggabeallásaš bálvalanfálaldaga oassin
  • Láhkaválmmaštallama šládja dorvvastuvvo nu ahte máhttu ja oassálastin gárgehuvvojit
  • Organisašuvdnastruktuvra ja doaibmasadjefierpmádat dahket vejolažžan beaktilis doaimma
  • Viiddessuorggát fierpmádatovttasbargu váfistuvvo válmmaštallamis ja mearrádusdahkamis.

3. Bargoveahkaulbmilat

  • Oassálasti ja movttiidahtti jođiheapmi doarju ulbmiliid asttaheami
  • Máhtu gárgeheapmi lea strategalaš ja vuođđuduvvá boahtteáigái
  • Bargosearvvuš lea vuoiggalaš ja doarju bargoburesbirgejumi.

4. Ulbmilat mat gusket ekonomiijai

  • Ekonomalaš lihkadanvárri dahká vejolažžan plánejuvvon gárgeheami
  • Gánnáheapmi buorrána go doaibma ođasnuhttojuvvo.

Doaibmanbirrasa rievdadustreanddat

Vuoigatvuođaministeriija doaibmabirrasa rievdantreanddaide gullet

  • riikkaidgaskasažžan šaddan
  • veahkadatráhkadus ja muotkunlihkadusat
  • teknologiija doajáhat ja digitališuvdna
  • demokratiija ja oassálastima vugiid earáhus.

Boađussoahpamuš doalvu strategiija geavada dássái

Strategiija doalvu geavada dássái boađussoahpamuš, mii gokčá njeallje jagi. Dasa gullet geavada doaibmabijut ja resurssat go váldojuvvojit vuhtii ráđđehusa linnjemat ja earáhusat doaibmanbirrasis. Vuoigatvuođaministeriija boađusulbmilat dárkkistuvvojit jahkásaččat kansliijahoavdda, ossodagaid ja kansliijahoavdda gaskavuođa ráđđádallamiin.

Ulbmiliidda beassan árvvoštallojuvvo jahkásaččat doaibmačilgehusas, mii gullá ministeriija rehketdoalloloahpaheapmái. Gaskaetáhppa lea jahkebealgeahčastat, mii ráhkaduvvo borgemánus. Das lea álgoárvvoštallan riskkain ja doaibmanbirrasa earáhusain, mat leat vuordimis, ja vugiin hálddašit daid.

Ministeriija hálddahussuorggi boađusulbmiliin sohppojuvvo ministeriija ja virgedoaimmahagaid gaskavuođa boađusráđđádallamiin. Hálddahussuorggi boađusulbmilat vuođđuduvvet bušeahttaárvalusa válmmaštallamis juo dohkkehuvvon linnjemiidda, ja daid váfista kansliijahoavda hálddahus- ja stivrenossodaga hoavdda ovdanbuktojumis.