Vuođđo- ja olmmošrievttit

Vuoigatvuohtaministeriija válmmaštallá vuođđolága ja dan vuođđoláhkamearrádusaid rievdadusaid ja koordinere álbmotlaš vuođđo- ja olmmošriektepolitihka.  

Vuođđo- ja olmmošrievttit leat luonddus dáfus vuđolaš rievttit, mat gullet buot olbmuide ovttaveardásaččat. Juohke olbmo vuođđorievttit leat dorvvastuvvon Suoma vuođđolágasTiedosto avautuu uudessa välilehdessä pdf 124kB . Olmmošrievttit leat bealisteaset dorvvastuvvon riikkaidgaskasaš olmmošriektesoahpamušain. Vuođđolága mielde Suoma vuođđoláhka dorvvasta olmmošárvvu rihkkumeahttunvuođa ja oktagasa friddjavuođa ja vuoigatvuođaid sihke ovddida servodaga vuoiggalašvuođa. Vuođđolága 22 §:a mielde almmolaš váldi ferte dorvvastit vuođđorivttiid ja olmmošrivttiid ollašuvvama.

Vuoigatvuohtaministeriija válmmaštallá vuođđolága ja dan vuođđoriektemearrádusaid rievdadusaid. Dasa lassin vuoigatvuohtaministeriija koordinere vuođđo- olmmošriektepolitihka ruovttueatnamis. Iešguhtege ministeriijas lea ovddasvástádus vuođđo- ja olmmošrivttiid ollašuvvamis iežas hálddahussuorggis. Suoma riikkaidgaskasaš olmmošriektepolitihka ovddasvástádus lea olgoáššiidministeriijas.