Demokratiijapolitihka


Stáhtaráđi demokratiijapolitihka ulbmilin lea dávistit áigeguovdilis hástalusaide, mat laktásit demokratiijai, sihke ovddidit riikkavuložiid oassálastin- ja váikkuheami vejolašvuođaid ollahuvvama. 

Demokratiija ovddideapmi lea gillilis bargu. 

Stáhtaráđi prinsihppamearrádus suopmelaš demokratiijapolitihka ulbmiliin 2020-logus (suomagillii) doallá sisttis guhtta guovddášlinnjema: 

1. Válgaortnet lea buresdoaibmi, dorvvolaš ja luohtehahtti. Juohkeovttas leat ovttaveardásaš vejolašvuođat ja doarvái buorit válmmasvuođat geavahit válgarivttiidis. 

2. Suomas leat anus máŋggabeallásaš oassálastinvejolašvuođat ja en eanet olbmot geavahit oassálastinrivttiideaset. Hálddahus doaibmá rahpasit ja vuorrováikkuhuslaččat, mii váfista luohttámuša. Mearrádusdahkama vuođđun lea diehtu.  

3. Demokratiija-, olmmošriekte- ja mediabajásgeassin sihke bistevaš oahppan dorjot oassálastinrivttiid ollahuvvama.  

4. Mediabiras lea máŋggajienalaš ja máŋggalágán, ja servodaga ságastallankultuvra dahká vejolažžan buohkaid oassálastima.  

5. Aktiivvalaš ja ealaskas siviilaservodat lea buresdoaibmi demokratiija guovddášoassi.

6. Suopma oassálastá aktiivvalaččat EU demokratiijabargui ja doarju riikkaidgaskasaš demokratiijaovdáneami. 

Ulbmiliid ollahuhttin gáibida gillilis, ráđđehusbajiid rasttildeaddji demokratiijapolitihka ja hálddahusrájiid rájiid rasttildeaddji ovttasbarggu. 

Álbmotlaš demokratiijaprográmma 2025 (suomagillii) govččai ráđđehusbajis 2019-2023 eatnatlohkosaš doaimmaid, mat ovddide siviilaservodaga ja searvevuođa. Demokratiijaprográmma doaimmai arvesuodjin sierra ministeriijaid demokratiijafidnuide. Stáhtaráđi demokratiijapolitihka ja demokratiijaprográmma koordinerema ovddasvástádus lei riekteministeriija ásahan stáhtaráđi demokratiijafierpmádagas. 

Demokratiijaprográmma 2025 čuovvunraporttas (suomagillii)  geahčaduvvo, mot demokratiijaprográmmas ásahuvvon ulbmilat leat ollahuvvan, makkár doaibmabijuiguin ulbmiliid guvlui lea viggojuvvon, ja manlágán váikkuhusat doaibmabijuin árvvoštallojuvvojit leat suopmelaš demokratiija ovdáneapmái.  

Jagiid 2017-2019 ollahuhtton Demokratiijapolitihkalaš doaibmaprográmma (suomagillii)  vuođđuduvai demokratiijapolitihkalaš čilgehussii, man stáhtaráđđi attii riikkabeivviide jagi 2014. 

Demokratiijaindikáhtoriiguin  čuvvojuvvo demokratiija dilli Suomas.

Ovddit demokratiijapolitihkalaš linnjemat (suomagillii)