Rihkusvuoigatvuohta

Rihkusvuoigatvuohta lea riekteortnega suorgi, mii ráddje njuolggadusaiguin rihkusvuoigatvuođalaš ovddasvástádusa gažaldagaid. Rihkusvuoigatvuođa vuođđodoahpagat leat rihkus ja ráŋggáštus.  Rihkus lea lágas ráŋggáštusvuložin ásahuvvon dahku dehe goarideapmi. Meroštaladettin dagu rihkusin servodat čájeha dagu moaittehahttivuođa sihke viggá duostut ja unnidit dáid daguid. Riektestáhtas vuolggasadjin lea, ahte ráŋggáštusvuložin mearrideapmái galget leat duođalaš servodatlaš ákkat (rihkusvuoigatvuođa geavahusa maŋimus saji prinsihppa).