Áššiid dikšun vuoigatvuođaministeriijas
Áššegirjjiid doaimmaheapmi vuoigatvuođaministeriijai
Vai oaččut ášši johtui vuoigatvuođaministeriijas, sádde áššegirjji ministeriija registrerenkantuvrii poastta bokte, šleađgapoasttain dahje fáksain. Šleađgapoastta oažžu johtui ášši, mii ii gáibit virggálaš vuolláičállima. Áššegirjjiid sáhttá maiddái doaimmahit persovnnalaččat dahje sáttaalbmá vehkii stáhtaráđi juohkinguovddážii (Ritarikatu 2 B, Helsset), gos daidda addojuvvo virggálaš vuostáiváldinduođaštus. Juohkinguovddáš lea rabas vu-be dmu 8.00-16.15. Registrerenkantuvrras ja arkiivvas áššiid dikšumis galgá soahpat ovddalgihtii áiggi registrerenkantuvrra bargoveagain.
Go áššegirji lea vuostáiváldon ministeriijas, ášši lea seammás biddjojuvvon johtui. Registrerenkantuvrras áššegirji registrerejuvvo diárii ja sirdojuvvo válmmaštallama várás ášši dikšon virgeolbmui. Go ášši lea čovdojuvvon, sáddejeaddjái/ohccái doaimmahuvvo doaimmahusreive (reive, mearrádus dje.).
Virgeoapmahaččaid doaimma almmolašvuođas addojuvvon lága mielde buohkain lea vuoigatvuohta oažžut dieđu virgeoapmahačča almmolaš áššegirjjiin. Lassin juohkehaččas lea vuoigatvuohta almmolašvuođa- ja persondiehtolága mielde dárkkistit iežas guoskevaš dieđuid ministeriijas registaris ja áššegirjjiin ja dárbbu mielde bivdit dieđuid vuigema.
Áššegirjjiid, mat galget dollojuvvot čiegusin, ja mat leat hearkkit, sádden vuoigatvuođaministeriijai
Ávžžuhit, ahte áššegirjjit, mat galget dollojuvvot čiegusin, ja mat leat hearkkit, doaimmahuvvojit vuoigatvuođaministeriijai dorvodieđáhusain. Bálvalusa geavaheapmi lea nuvttá ja dat gávdno čujuhusas turvaviesti.gov.fi.
Go dorvodieđáhus sáddejuvvo virgedoaimmahaga virgebostii, de dieđáhusa bajilčállosii
ja čuvvosiidda galget biddjojuvvot dárbbatlaš dovddaldatdieđut, vai virgedoaimmahaga
bargoveahka máhttá gaskkustit dieđáhusa áššemeannudeaddjái, diehtá man áššái šleađgaboasta laktása ja geas dat boahtá.
Dán rávvagis leat dárkkit dieđut dorvodieđáhusa sáddemis (suomagillii).
Juos háliidat doaimmahit áššegirjjiid, mat galget dollojuvvot čiegusin, ja mat leat hearkkit, vuoigatvuođaministeriija hálddahussuorggi virgedoaimmahagaide dorvodieđáhusain, geavat bálvalusa turvaviesti.om.fi. Bálvalus doaibmá seamma prinsihpain.
Elektrovnnalaš áššiid dikšun
Ovdamearkan cealkámušaid dahje diehtobivdagiid sáhttá sáddet maiddái šleađgapoasttain. Ášši gieđahallama álkidahttá, jus šleađgapoasttas oidno čielgasit, man áššái dahje evttohussii máhcahat laktása. Šleađgapostii lea buorre laktit maiddái sáddejeaddji oktavuođadieđuid.
Ministeriija virggálaš šleađgapoasta: kirjaamo.om(at)gov.fi (buhtte čujuhusas (at)-mearkka @-mearkkain)
Ministeriija šleađgapoastavuogádat sádde automáhtalaččat kuitema, go šleađgapoasta lea vuostáiváldojuvvon. Mearreáiggit gusket maiddái šleađgapoastta bokte sáddejuvvon áššegirjjiid. Jus ministeriija šleađgapoastavuogádat ii leat ortnegis dahje eret anus, áššegirji gehččojuvvo boahtán ministeriijai dain áigemuttus, goas dat lea sáddejuvvon. Dalle sáddenáigemuttus galgá bastit čájehit luohtehahtti čilgehusa. Elektrovnnalaš áššiid dikšumis čuovvut lága elektrovnnalaš áššiid dikšumis virgeoapmahašdoaimmas.
Vuoigatvuođaministeriijai čujuhuvvon virgeohcamušat galget dahkkojuvvot vuosttažettiin Valtiolle.fi-bargoohcanbálvalusa.
Šleađgapoastačujuhusat
Vuoigatvuođaministeriija bargoveaga šleađgapoasttat leat hámis [email protected]. Muhtun olbmuid šleađgapoastačujuhusain geavahit ovdanama ja sohkanama gaskkas nuppi nama vuosttas bustáva: [email protected]. Geavaheapmi lea merkejuvvon sierra oktavuođadieđuide.
Jus oaččut feailaalmmuhusa vuoigatvuođaministeriijai sádden šleađgapoasttas, sáhtát diđoštallat rivttes čujuhusa gulahallanovttadagas: viestinta.om(at)gov.fi
Jearaldagat ja máhcahat: viestinta.om(at)gov.fi (buhtte čujuhusas (at)-mearkka @-mearkkain).