Registrerenkantuvra ja áššegirjebálvalusat

Šleađgapoasta: oikeusministerio@om.fi

Telefon: 02951 50320

Fáksa: (09) 1606 7730

Poastačujuhus: Oikeusministeriö, PL 25, 00023 VALTIONEUVOSTO

 

Áššegirjjiid doaimmahančujuhus: Áššegirjjiid, mat leat čujuhuvvon vuoigatvuođaministeriijai, sáhttá guođđit Stáhtaráđi juohkinguovddážii čujuhussii Ritarikatu 2B, Helsinki (dmu 8-16.15)

Vai oaččot ášši johtui vuoigatvuođaministeriijas, doaimmat áššegirjji ministeriija registrerenkantuvrii. Doppe ášši sirdašuvvá válmmaštallama várás áo. ášši dikšon virgeolbmui.

Ministeriija bajásdoallá áššegirjeregistara áššiin, maid lea gieđahallan dahje čoavdán.

Áššegirjebivdagat

Riikkavuložiin lea vuoigatvuohta oažžut dieđu virgeoapmahačča almmolaš áššegirjjiin. Áššegirjjiid oažžuma guoskevaš bivdagis galgá čujuhit ášši doarvái bures, vai ministeriijas sáhttet čielggadit, maid áššegirjebivdda guoská.

Ministeriija almmolaš áššegirjjiide sáhttá oahpásmuvvat ministeriija lanjain sierra sohppojuvvon áiggi.

Áššegirjjiid addimis ja dieđu ohcamis sáhttá berrojuvvot máksu almmolašvuođalága 34 § vuođul.

Arkiivvat

Vuoigatvuođaministeriija arkiivvas leat áššegirjjit jagi 2000 rájes. Boarrásut materiála sáhttá diđoštallat Riikkaarkiivvas.

Vuoigatvuođaministeriija ásahan fidnuid, doaibmaorgánaid ja bargojoavkkuid materiálas gávdno diehtu suoma- dahje ruoŧagillii stáhtaráđi fidnosiiddus.