Hyppää sisältöön
Media

Anna-Maja Henriksson: Rasisma ja vaššisáhka guoskkahit maid sápmelaččaid

Vuoigatvuođaministeriija
Julkaisuajankohta 5.2.2021 12.24
Ođas

Čoahkkaneimmet mannan skábmamánu Norgga ja Ruoŧa kollegaiguin ja golmma riikka sámedikkiid ságadolliiguin ságastallat áigeguovdilis áššiin, mat guoskkahit sápmelaččaid.   

Buriid álbmotgaskavuođaid ovddideamis ja vaššisága vuostálastimis šattai ealas ságastallan. Mis lei nanu oktasaš oaidnu áššis. Mearrideimmet čoahkkimis divttistit gaskavuođa ságastallama áššis. Soabaimet, ahte ráhkadit fáttás oktasaš čállosa, mii gieskat almmustuhttojuvvui.

Vaššisáhka lea sápmelaččaidnai buohta šállošahtti áigeguovdilis gažaldat. Maŋŋel Ruoŧa alimus rievtti julggaštan 23.1.2020 duomu, mii guoskkai Girjás čearu, oba Sámis lea dihtton uhkádallan, vašši ja juobe veahkaváldi. Davvi-Norggas leat leamaš máŋga dáhpáhusa, main lea duođalaččat giktaluvvon sápmelaččaid vuostá. Sámediggi lea muitalan, ahte Suomas vaššisáhka sápmelaččaid vuostá dihto earenoamážit sosiála medias. 

Fenomena lea oppamáilmmálaš. Álgoálbmogat šaddet miehtá máilmmi heađušteami ja utnohisvuođa čuozáhahkan, earenoamážit go gažaldat lea sierramielatvuođain, mat laktásit eatnamii ja luondduriggodagaide.  

Rasisma ja vaššisáhka ii sáhte dohkkehuvvot, iige dan sáhte mannat meaddel hárehisvuođain. Iešguđetlágán oaivilat ja ságastallan gullet demokráhtalaš servodahkii. Sáhka mii badjelgeahččá nuppi álbmoga dehe uhkádusat dan sadjái eai gula. 

Riekteministeriija lea dahkan olu jagiid ovddidanbarggu vaššisága ja vašširihkkosa vuostá. Sápmelaččaide čuozihuvvon materiála vašširihkkosiin ja daid identifiseremis lea gárváneame giđđat. Vašširihkkosiin ilmmuheapmi lea dehálaš, vai daidda sáhttá seahkánit ja sávvamis maid seammalágán rihkkosat sáhttet caggojuvvot boahtteáigge. Ilmmuheapmi veahkeha maid ráhkadit ollislaš gova fenomenas. 

Juohkehaš mis galgá muitit, ahte buohkain lea seamma olmmošárvu. Mii leat ovttaskas olbmot, geain leat dovddut. Mii leat maid hávváduvvit. Danin lea earenoamáš dehálaš atnit vaššisága ja heađušteami earotbealde. Juohkeovtta bijus dárbbahuvvo. Sápmelaččain lea vuoigatvuohta dovdat iežaset dohkkehuvvot ja oasálažžan servodagas. 

Dáiguin sániiguin sávan buohkaide hui buori sámi álbmotbeaivvi! Pyeri säämi aalmugpeivi puohháid! Šiõǥǥ saaʹmi meersažpeiʹvv pukid!

-------------
Anna-Maja Henriksson, riekteministtar

Raasiism já vajesaahâ kyeskih meid sämmiláid

Rasismm da vâjjõs-saakk kuõskte še säʹmmlaid

Back to top