Láhkaásahus sámediggeválggaid meannudeamis beaiváduvvo
Riekteministeriija láhkaásahus sámediggeválggaid meannudeamis beaiváduvvo sámediggeláhkii dahkkojuvvon nuppástusaid dihtii. Seammás maid válggain dieđiheapmi buktojuvvo áiggi dássái.
Láhkaásahussii dahkkojuvvojit nuppástusat, maid oktavuođas sámediggeválggaid diehtunaddimii guoskevaš reguleren beaiváduvvo nu, ahte dás duohko válggaide laktáseaddji áššiin dieđihuvvo hálddahuslága mielde gulahusain. Dieđut almmustahttojuvvojit álgovurrosaččat neahttasiidduin, go ovdal dieđuid galggai almmustahttit aviisaalmmuhusaiguin.
Dasa lassin láhkaásahussii dahkkojuvvojit nuppástusat, vai dat vástida rievdan sámediggelága. Láhkaásahussii lasihuvvojit ođđa paragráfat evttohaslogahallamis ja evttohasohcamušas. Dáin lea ásahuvvon váldoáššis seammá láhkai sámediggelágas.
Láhkaásahusas meroštallojuvvo sámediggelága mielde, maid mildosiid válgalogahallamii ohcci olmmoš galgá doaimmahit ohcamuša mielde. Paragráfa nuppástus čielggasmahttá láhkaásahusa ja geahpeda boasttoáddejumiid riskka, go láhkaásahus vástida gustojeaddji sámediggelága.
Maiddái diehtunaddin áraduvvo. Válggaid álggaheamis, válgalogahallamii ohcamis, válgalogahallamis sihkkumis ja válgalávdegotti čujuhusas dieđihuvvo dás duohko juo borgemánus.
Láhkaásahus boahtá fápmui 15.7.2026. Ođđa reguleren álggahuvvo guoskaduvvot čuovvovaš sámediggeválggain jagi 2027 ja daid válmmaštallamiin.
Lassidieđut:
láhkaásahanráđđi Yrsa Nyman, p. 0295 150 293, [email protected]
ráđđádalli virgeolmmoš Jasmiina Jokinen, tlf. 0295 150 056, [email protected] (10.8. >)