Riekteministeriija muotku 12.8.2024 Meritullinkatui

Riekteministeriija muotku Helssegis oahpahus- ja kulturministeriijain oktasaš sajiide Meritullinkatu 10:žii 12.8.2024. Sajit leat divoduvvon goappašiid ministeriijaid oktasašatnui heivvolažžan.

Riekteministeriija lea leamaš ovdal čujuhusas Eteläesplanadi 10.

Boastačujuhus seailu

Muotkun guoská oba bargoveaga. Ministeriija boastačujuhus ja telefonnummárat seilot ovddežin. Ođđa fitnančujuhus 12.8.2024 rájes lea Meritullinkatu 10, Helsset.

Duogábealde stáhtaekonomiija seasttut ja lassánan gáiddusbargu 

Stáhta doaibmasajiid geavahandásit leat luoitán mearkkašahtti ládje, daningo stáhta bargit leat joatkán viidát gáiddusbargama koronapandemiija maŋŋel. Sajiid geavahusa beavttálmahttima duogábealde leat maid stáhtaekonomiija seasttut. Giddodaga luohpamis, mii lea Eteläesplanadi 10:žis, stáhta seastá sulaid 2,4 miljovnna euro jagis.  

Sajiin leat váldojuvvon vuhtii ođđa bargama dábit ja bargoburesbirgema doarjun. 

Lassidieđut: 
Ossodathoavda Tapio Laamanen, riekteministeriija, t. 0295 150 290, [email protected]
Sierraáššedovdi Mari Mäki, riekteministeriija, t. 0295 150 033, [email protected]
Ovdánahttinhoavda Kimmo Takamaa, stáhtaráđi kansliija, t. 0295 160 859, [email protected]
Kommunikašuvdnahoavda Katja Huumo, riekteministeriija, t. 0295 150 113, [email protected]  

Ministeriija boastačujuhus:
Oikeusministeriö
PL 25, 00023 Valtioneuvosto 

Guovddáš: 02951 6001
Fáksa: 09 1606 7730