Guovlluválggaid jienastanbáiki mearrašuvvá 3.12. ássanbáikki vuođul

Vuoigatvuođaministeriija
25.11.2021 13.32
Ođas
Vaalit. Val.

Guovlluválggaid jienastanbáiki mearrašuvvá jienasteaddji ássanbáikki vuođul. Ođđajagimánu guovlluválggaid jienastanvuoigatvuođaregisttar čoggojuvvo álbmotdiehtovuogádagas 3.12.2021.

Jietnavuoigadahtton olbmo ássanbáiki meroštallá, man buresveadjinguovllu evttohasaid son sáhttá jienastit ja man válgabeaivvi válgabáikkis son sáhttá jienastit. Guovlluválggaid válgabeaivve 23.1.2022 sáhttá jienastit dušše dan jienastanbáikkis, mii máinnašuvvo jietnavuoigadahtton olbmui sáddejuvvon jietnavuoigatvuođaalmmuhusas. Ovdajienastanáigge jienastanbáikki sáhttá friddja válljet.

Jus jietnavuoigadahtton fárre 3.12. maŋŋá, válgabire ja jienastanbáiki mearrašuvvet ovddit ássanbáikki mielde.

Jienastanvuoigatvuođaalmmuhus sáddejuvvo poastta bokte dahje suomi.fi-bálvalussii

Jietnavuoigadahtton olbmuide sáddejuvvo poastta fárus juovlamánu áigge jietnavuoigatvuođaalmmuhus. Jus jietnavuoigadahtton lea almmuhan vuostáiváldit virgeoapmahašdieđáhusaid elektrovnnalaččat, almmuhus jietnavuoigatvuođas sáddejuvvo sutnje Suomi.fi-bálvalussii. Gielddaválggain 2021 elektrovnnalaš jietnavuoigatvuođaalmmuhus sáddejuvvui sulaid 580 jietnavuoigadahtton olbmui.

Diehtu guovlluválggain ja jienasteamis www.vaalit.fi/diehtu-samegillii

Jienastanbáikkit neahtas