Giellamuitalus buktá ovdan gielalaš rivttiid ollašuvvama dili
Stáhtaráđđi mearridii odne ollesčoahkkimisttis addit riikkabeivviide ráđđehusa muitalusa giellaláhkaásaheami heiveheamis 2021. Oktii válgabajis čohkkejuvvon giellamuitalus sisttisdoallá áigedási dieđu Suoma gielladiliin, gielalaš rivttiid dorjon ráhkadusain ja hálddahuslaš nuppástusaid váikkuhusas giellajoavkkuide.
Jagi 2021 giellamuitalusa guovddáš temát leat digitálalisašuvdna ja gielalaš rivttiid ollašuvvan oahpahusas, bolesis, gádjundoaimmas ja heahteguovddášdoaimmas. Mielde lea maiddái čielggadus das, mo gielalaš rievttit ollašuvvet almmolaš doaimmain go daid dikšu priváhta doaibmi.
- Gielalaš rievttit leat vuođđorievttit ja dat leat lágas hui dorvvastuvvon. Rivttiid geavatlaš ollašuvvamis leat goittotge váilevuođat. Gielalaš rivttiid ollašuvvamii dárbbašat diđolašvuođa lasiheami, jurddaguottuid hábmema, gielalaš bargoveaga lasiheami ja sierra gielaid bálvalusaid ordnema, dadjá vuoigatvuođaministtar Anna-Maja Henriksson.
- Guovddáš gažaldagat giellamuitalusas leat earut suoma- ja ruoŧagielat bálvalusain sihke tulkoma fállán ja njuovžilvuohta. Gielalaš rivttiid dorvvasteapmi galggašii váldot vuhtii doaimma plánedettiin, vai dat ollašuvvet oassin dábálaš bálvalanproseassa, joatká ministtar Henriksson.
Dárbbuid kártema ja bálvalusaid buorre plánema oidnet giellamuitalusa guovddáš doaibman gielalaš rivttiid ollašuvvama dorvvasteamis.
Giellamuitalusa mielde vuođđoskuvla diibmojuogus eatnigiela ja girjjálašvuođa diibmomeriid galggašii lasihit nu, ahte oahpahusas sáhtašedje dáláža eanet deattuhit riikkagiela čállinmáhtu. Ruoŧagielat skuvlema galggašii buot skuvlendásiin ovddidit mihttomeriid mielde ja oktanaga suomagielat skuvlejumiin. Vuođđooahpahusas livččii dehálaš lasihit eandalii sámegielat bargoveaga fáhtehahttivuođa ja viiddidit gáiddusoahpaheami. Seavagielat mánáide lea ain dehálaš giddet fuomášumi árabajásgeassimis ja oahpahusas ja daid ovddideamis.
Bolesa ruoŧagielat joatkka- ja sierraskuvlen ja ruoŧagielat neahttakurssaid fállan eai giellamuitalusa mielde leat doarvái buori dásis vai dat dorvvastivčče ovttaveardásaš skuvlema bolesorganisašuvnnas. Digitálalisašuvnna bokte fas gávnnahit, ahte stáhtahálddahusa ovddasvástádus lea sihkkarastit, ahte almmolaš digibálvalusain váldojit vuhtii gielalaš rievttit ja bálvalusaid fáhtehahttivuođa eará gielaiguin. Boahttevuođas lea maiddái dehálaš árvvoštallat sode-ođastusa váikkuhusaid gielalaš rivttiid geavatlaš ollašuvvamii sosiála- ja dearvvašvuođa- ja gádjunbálvalusain.
Kielikertomus 2021
Lassedieđut:
sierraáššedovdi Linda Lindholm, t. 0295 150051, [email protected]