Hyppää sisältöön
Media

Riikkabeaiveválggaid bohtosat fierpmis 2.4. d. 20 rájes

Vuoigatvuođaministeriija
Julkaisuajankohta 30.3.2023 11.27
Dieđáhus
Vaalit. Val.

Riikkabeaiveválggaid, mat doaimmahuvvojit 2.4., álgobohtosat almmustuhttojuvvojit fierpmis riekteministeriija boađusbálvalusas válgaeahkeda diibmu 20 rájes.

Álgoboađusdieđuin muitaluvvojit rehkenastima ovdáneami mielde bellodagaid jietnamearit ja jietnaossodagat oba riikkas, válgabiirriid mielde, suohkaniin ja jienastanguovlluin. Evttohasguovdasaš jietnamearit almmustuhttojuvvojit dađi mielde, go jienaidrehkenastin gárvána guđege jienastanguovllus. Olbmot, geat šaddet válljejuvvot álgorehkenastima gárváneami mielde guđenai válgabiirres.

Bohtosat almmustuhttojuvvojit go rehkenastin gárvána maid láddenvuloš fiilan.  

Válgabiirelávdegottit váfistit válggaid bohtosa gaskavahkku 5.4. maŋemusat d. 18 álgi čoakkámiinniset, man maŋŋel váfistuvvon bohtosat áigáduvvojit boađusbálvalussii.

Jienasteapmi riikkabeaiveválggain válgabeaivve

Diehtu válgabeaivve jienastanbáikkis gávdno jienastanriekteilmmuhusas. Jienastanbáikki sáhttá čielggadit maid fierpmis aanestyspaikat.fi-gártabálvalusas dehe dan sáhttá jearrat válggaid nuvttá bálvalannummáriin 0800 9 4770 (suomagillii) ja 0800 9 4771 (ruoŧagillii).

Ilmmuhus jienastanrievttis lea boahtán Digi- ja álbmotdiehtodoaimmahagas juogo reiven ruoktot dehe Suomi.fi-bálvalussii. Ilmmuhus sáddejuvvui elektrovnnalaččat daidda, geat leat diŋgon eiseváldedieđáhusaid Suomi.fi-bálvalussii.

Jienasteaddji galgá čájehit čilgehusa identiteahtastis jienastanbáikkis. Identiteahta sáhttá duođaštit virggálaš govalaš áššegirjjiin, dego vuodjingoarttain dahe bolesa mieđihan persovdnagoarttain ja pássain.

Lassidieđut:
válgahoavda Arto Jääskeläinen, t. 0295 150 128, [email protected]
sierraáššedovdi Laura Nurminen, t. 0295 150 008, [email protected]
sierraáššedovdi Elina Siljamäki, t. 0295 150 248, [email protected]

Riikkabeaiveválggaid boađusbálvalus fierpmis
Luohtehahtti diehtu riikkabeaiveválggain ja jienasteamis gávdno riekteministeriija válgasiidduin www.valggat.fi
Vaalit.fi: Jienasteapmi válgabeaivve
Jienastanbáikkit gárttas www.aanestyspaikat.fi

Back to top