Hyppää sisältöön
Stáhtaráđđi ja ministeriijat Media

Sámi áššiid ovddasvástideaddji ministarat ja sámedikkit deaivvadit 18.11.2020

Vuoigatvuođaministeriija
16.11.2020 14.05
Dieđáhus

Sámi áššiid ovddasvástideaddji ministarat ja sámedikkiid ságadoallit deaivvadit gáiddusoktavuođaid bakte 18.11.2020. Riekteministtar Anna-Maja Henriksson doaibmá čoahkkima ságadoallin.

Ministarat ja sámedikkiid ságadoallit Suomas, Ruoŧas ja Norggas ságastallet deaivvadeamisteaset earret eará davviriikkalaš sámi soahpamuša gieđahallamis, Sámi Giellagáldu vuođđudeamis ja koronaepidemiija váikkuhusas sámi álbmogii.

- Anán sámi áššiin ovddasvástideaddji ministariid ja buot golmma riikka sámedikkiid ovttasbarggu duođaid dehálažžan. Sápmelaččat lea álbmot, mii orru máŋgga stáhta viidodagas, man dihte ovttasbargu dárbbašuvvo, riekteministtar Anna-Maja Henriksson dadjá.

Čoahkkima olis juhkkojuvvo sámi giellabálkkašupmi Gollegiella

Čoahkkima oktavuođas juhkkojuvvo davviriikkalaš sámi giellabálkkašupmi Gollegiella. Bálkkašupmi geigejuvvo priváhtaolbmuide dehe servošiidda Norggas, Ruoŧas, Suomas dehe Ruoššas sámegielaid ovddideamis. Bálkkašumi sturrodat lea 15 000 euro.

Lassidieđut:

Ráđđádalli virgeolmmoš Johanna Hautakorpi, tel. 02951 50018, [email protected]
Stáhtačálli Malin Brännkärr, tel. 040 534 7727, [email protected]

Lassidiehtu Gollegiella-bálkkašumis
GOLLEGIELLA – Davviriikkalaš sámegiela giellabálkkašupmi geigejuvvo čakčat 2020

Anna-Maja Henriksson