GOLLEGIELLA – evttot davviriikkalaš sámi giellabálkkašumi vuoiti
GOLLEGIELLA – Davviriikkalaš sámi giellabálkkašupmi geigejuvvo oktanuppelogát geardde 2024 čavčča Suoma, Norgga ja Ruoŧa beale sámi áššiid ovddasvástideaddji ministariid ja Norgga, Ruoŧa ja Suoma beale sámediggepresideanttaid čoahkkimis. Čoahkkin dollojuvvo Oslos golggotmánu 22. beaivvi 2024. Giellabálkkašupmi geigejuvvo ovttaskas olbmuide dahje organisašuvnnaide geat leat erenoamážit áŋgiruššan ovddidit sámegielaid.
Gollegiella – Davviriikkalaš sámi giellabálkkašumi leat Norgga, Ruoŧa ja Suoma sámi áššiid ovddasvástideaddji ministarat ja Norgga, Ruoŧa ja Suoma beale sámediggepresideanttat ásahan. Bálkkašupmi geigejuvvo juohke nuppi jagi, vuosttaš geardde 2004:s. Giellabálkkašupmi lea 15 000 euro.
Giellabálkkašumi ulbmil
Giellabálkkašumi ulbmil lea váikkuhit sámegiela ovddideapmái, ovdánahttimii ja seailluheapmái Norggas, Ruoŧas, Suomas ja Ruoššas.
Gii sáhttá bálkkašumi oažžut?
Giellabálkkašupmi juhkkojuvvo ovttaskas olbmuide dahje organisašuvnnaide, servviide ja organisašuvnnaide mat leat mearkkašahtti láhkái áŋgiruššan ovddidit, ovdánahttit dahje seailluhit sámegiela. Giellabálkkašupmi sáhttá juolluduvvot viidát iešguđetlágan doaibmasurggiide. Bálkkašumi sáhttá juogadit máŋgga vuoitái.
Evttot vuoiti!
Mii bovdet ovttaskasolbmuid, organisašuvnnaid, ásahusaid ja eiseválddiid miehtá sámi guovllu árvalit giellabálkkašumi vuoiti. Sádde gitta guovtti siidosaš čálalaš evttohusa oktan ákkastallamiin.
Evttohus sáddejuvvo ovdal čakčamánu 1. beaivvi:
E-poasta: [email protected]
Poasta:
Gollegiella – bedømningskomité
Avdeling for urfolk og nasjonale minoriteter,
Kommunal- og distriktssdepartementet,
Postboks 8112 Dep,
0032 Oslo, Norge
Tlf: + 47 22 24 72 82