KOLLEKIELÂ – iävtut tave-eennâmlii säämi kielâpalhâšume finnejeijee
Tave-eennâmlâš säämi kielâpalhâšume Kollekielâ juáhhoo 11. keerdi čohčuv 2024 Suomâ, Taažâ já Ruotâ sämiaašijn västideijee ministerij já tai enâmij sämitiigij saavâjođetteijei teivâdem ohtâvuođâst. Teivâdem tuálloo Oslost roovvâdmáánu 20. peeivi 2024. Kielâpalhâšume mieđettuvvoo ovtâskâs ulmuid tâi organisaatioid kiäh láá iäljáruššâm sämikielâ ovdedem oovdân.
Taažâ, Ruotâ já Suomâ sämiaašijn västideijee ministereh já tai enâmij sämitigij saavâjođetteijeeh láá vuáđudâm tave-eennâmlâš sämikielâ kielâpalhâšume Kollekielâ. Palhâšume juáhhoo jyehi nube ive, já tot juohhui vuossâmuu tove ive 2004. Kielâpalhâšume lii 15,000 eurod.
Kielâpalhâšume ulme
Kielâpalhâšume ulme lii movtijdittiđ sämikielâi ovdedem- já iäláskittemtooimâid Taažâst, Ruotâst, Suomâst já Ruošâst.
Kii puáhtá finniđ palhâšume?
Kielâpalhâšume puáhtá mieđettiđ ovtâskâsulmuid, juávhoid, siärváduvváid, organisaatioid teikâ lájádâssáid moh láá porgâm iäljárávt sämikielâi ovdedem oovdân čálálávt, njálmálávt teikâ eres häämist. Palhâšume puáhtá mieđettiđ maŋgâ sierâ kielâsyergi tooimâ vuáđuld. Palhâšume puáhtá jyehiđ maŋgâ palhâšume finnejeijee kooskâst.
Iävtut iävtukkâs!
Mij povdip Taažâ, Ruotâ já Suomâ ovtâskâsulmuid, organisaatioid, lájádâsâid sehe virgeomâháid vuolgâttiđ iävtuttâsâid kielâpalhâšume finnejeijen. Vuolgât čálálii iävtuttâs palhâšume finnejeijen enâmustáá kyevti siijđo agâstâlmijguin.
Iävtuttâsâid kalga vuolgâttiđ ovdil čohčâmáánu 1. peeivi 2024 täid čujottâssáid:
Šleđgâpostâ: [email protected]
Postâ:
Gollegiella – bedømningskomité
Avdeling for urfolk og nasjonale minoriteter,
Kommunal- og distriktssdepartementet,
Postboks 8112 Dep,
0032 Oslo, Norge
Puhelin: + 47 22 24 72 82