Ministarat ja sámedikkiid ságadoallit: vaššisága vuostá ferte dáistalit

Norgga, Ruoŧa ja Suoma sámi áššiin ovddasvástideaddji ministarat ja sámedikkiid ságadoallit deattuhit oktasaš almmolaš cealkámušasteaset, ahte lea dehálaš dáistalit uhkádallama ja vaši vuostá, mii čuohcá sápmelaččaide.

Maŋŋel Ruoŧa alimus rievtti 23.1.2020 julggaštan duomu, mii guoskkai Girjás čearu, oba Sámis lea dihtton uhkádallan, vašši ja juobe veahkaváldi. Davvi-Norggas leat leamaš máŋga dáhpáhusa, main lea duođalaččat giktaluvvon sápmelaččaid vuostá. Suomas vaššisáhka sápmelaččaid vuostá dihtto earenoamážit sosiála medias.

- Demokráhtalaš servodagaineamet ferte leat sadji ságastallamii ja iešguđetlágán oaiviliidda. Sátnefriddjavuohta lea demokráhtalaš riektestáhta geađgejuolgi. Muhto sátnefriddjavuohta ii oaivvil friddjavuođa bargat vaššisága iige friddjavuođa giktalit sierra álbmotjoavkkuid vuostá, almmolaš cealkámušas celkojuvvo.

Almmolaš cealkámuša leat ráhkadan guovlo- ja digitálaministtar Linda Hofstad Helleland Norggas, kultur- ja demokratiijaministtar Amanda Lind Ruoŧas, riekteministtar Anna-Maja Henriksson Suomas, Norgga sámedikki ságadoalli Aili Keskitalo, Ruoŧa sámedikki ságadoalli Per-Olof Nutti ja Suoma sámedikki ságadoalli Tuomas Aslak Juuso.

Cealkámuš (suomagillii)

Ministereh já sämitige saavâjođetteijeeh: vajesaavâ vuástá kalga kámppádâllâđ

Ministeeʹr da sääʹmteeʹǧǧ saaǥǥjååʹđteei: vââʹjjsaaǥǥid âlgg vuâsttlâʹstted
 
Lassidieđut:
sámedikki ságadoalli Tuomas Aslak Juuso, t. 040 687 3394 / 010 839 3101, tuomas.juuso(at)samediggi.fi

ministtar Henrikssona sierraveahkki Niklas Mannfolk, t. 050 306 3990