Riekteveahkkedoaimmahagaid ja ávkegozihandoaimmahagaid rabasáiggiide nuppástusat guovvamánus
![](/documents/1410853/204889611/Ajankohtaista_01.jpg/a9f88d17-0c3c-4632-ade4-b1ddb15f9c76?t=1724677829569&width=1200)
Muhtin riekteveahkkedoaimmahagaid ja ávkegozihandoaimmahagaid rabasáiggit nuppástuvvet guovvamánu álggu rájes.
Dás maŋás guđege riekteveahkkedoaimmahas lea okta doaibmabáiki, mii lea rabas aŋkke mánnodagas/vuossárggas bearjadahkii diibmu 8–16.15. Eará riekteveahkkedoaimmahaga doaibmabáikkit leat rabas aŋkke mánnodagas/vuossárggas bearjadahkii diibmu 9–15.
Ekonomiija- ja vealgeneavvuma sihke almmolaš ávkegoziheami doaibmabáikkit leat rabas aŋkke mánnodagas/vuossárggas bearjadahkii diibmu 9–15.
Unnimus doaibmabáikkit sáhttet dattetge leat gitta beaiveborranáigge ovtta diimmu sihke disdagaid/maŋŋebárggaid ja duorastagaid.
Telefonbálvalus ja elektrovnnalaš áššiiddikšun bálvalit áššehasaid njuovžilit
Riekteveahkki, ekonomiija- ja vealgeneavvun sihke almmolaš ávkegoziheapmi bálvalit telefovnna bakte mánnodagas/vuossárggas bearjadahkii diibmu 8–16.15. Dasa lassin leat anus čuojahanáiggit ekonomiija- ja vealgebagadallái, ávkegoziheaddjái ja ávkegozihančállái. Riekteveahkis sihke ekonomiija- ja vealgeneavvumis lea maid vejolaš dikšut áššiid elektrovnnalaččat.
Áššegirjjit sáhttet doaimmahuvvot doaibmabáikkiide daid rabasáiggiid dehe eará ovddalgihtii sohppojuvvon áiggiid. Áššegirjjit sáhttet maid guđđojuvvot doaibmabáikkiid boastagássaide.
Ođastusa duogážis lea stáhta virgedoaimmahagaid rabasáiggiid ođastus, mainna lea háliiduvvon buhttejuvvot áššiid dikšuma oažžasuvvan, eiseválddiid dábuheapmi telefovnna bakte sihke doaimma ovdánahttin geabbilit rabasáiggiiguin.
Boahtte jagi álggu rájes riekteveahki, ekonomiija- ja vealgeneavvuma sihke almmolaš ávkegoziheami bálvalusat čohkkejuvvojit oktii ođđa Riektebálvalandoaimmahahkii, goas bálvalusat sáhtte fállojuvvot oktiilaččabut, alladássásaččabut ja dat oažžasuvvet buorebut.
Lassidieđut: ráđđehusráđđi Maaria Rubanin, t. 0295 150 140, [email protected]
Dárkkis doaimmahagaid rabasáiggiid Oikeus.fi-fierbmebálvalusas.