Stáhtaráđđi ja ministeriijat Media

Čilgehus máŋgga giela merkemis álbmotdiehtovuogádahkii almmustuhtton

Vuoigatvuođaministeriija 13.2.2020 9.23 | Julkaistu suomeksi 13.2.2020 klo 9.30
Ođas

Riekteministeriijas lea gárvánan čilgehus, mas árvvoštallojuvvo máŋgga giela merken álbmotdiehtovuogádahkii. Dálá áigge veahkadatdieđuide merkejuvvo olbmo eatnigiella ja áššiiddikšungiella.

Čilgehusas buktojuvvo ovdan, ahte máŋgga giela merken vuogádahkii attálii máŋggabeallásaččat gova olbmo gielalaš identiteahtas, su hupman gielain ja giellaservošiidda gullamis. Álbmotdiehtovuogádahkii merkejuvvon diehtu olbmo eatnigielas ii goitge duddjo olbmui vuoigatvuođaid dihto bálvalusaide.

Eiseválddit geavahit álbmotdiehtovuogádahkii merkejuvvon dieđuid olbmo eatnigielas earret eará gielddaid gielalašvuođa meroštallamii, bálvalusaid plánemii, áššiiddikšungiela válljemii sihke gielddaid stáhtaosiid ja -doarjagiid rehkenastimii. Čilgehusas boahtá ovdan, ahte vejolaš earáhuhttimiin sáhtále leat mearkkašahtti váikkuhusat eiseválddiid bargui.

Čilgehusa válmmaštallan virgeolmmošbargojoavku guorahalai guokte molssaevttolaš vuogi máŋgga giela merkemis álbmotdiehtovuogádahkii. Vuosttaš molssaeavttus vuogádahkii registrerejuvvole máŋga eatnigiela, main okta válljejuvvolii áššiiddikšungiellan. Nuppi molssaeavttus merkejuvvolii okta eatnigiella, muhto dan lassin livččii vejolaš ilmmuhit máŋga ruovttugiela.

Čilgehus sáddejuvvo cealkámušjorrosii guovvamánu áigge.  

Čilgehus almmustuhttojuvvo ollislaččat suoma-, ruoŧa- ja davvisámegillii. Jorgalusat eŋgelas- ja davvisámegillii válmmašnuvvet maŋŋel guovvamánu áigge.  

Lassidieđut: giellaáššiidráđđeolmmoš Corinna Tammenmaa, tel. 0295150181, [email protected]