Jearaldagat ja vástádusat koronas

Dán siidui leat čohkkejuvvon koronai laktáseaddji jearaldagat ja vástádusat vuoigatvuođaministeriija ovddasvástádussuorggi oasil.

Geahča maiddái:

Riektehálddahusa korona-fáttát dieđáhusat siiddus oikeus.fi (suomagillii)

Viiddit pakeahtta dávjá jerron gažaldagain stáhtaráđi siidduin (suomagillii)

 

Čoahkkaneamit ja čoahkkimat

Sáhttágo ossodatgotti dahje searvvi lahttu oassálastit gáiddusin, vaikke njuolggadusain ii máinnašuvvo das mihkkige dahje čoahkkimiidda searvan gáiddusin lea sierra gildojuvvon?

Ossodatgotti dahje searvvi stivra sáhttá diktit lahtuid searvat mielde gáiddusin, vaikke daid njuolggadusain gaiddusoassálastin livččii sierra gildojuvvon dahje dat ii livčče lobálaš. Gaskaboddosaš láhka lea fámus 30.6.2021 rádjái.  

Ossodatgotti dahje searvvi jođiheaddjit galget fuolahit das, ahte buot lahtuin lea geavatlaččat doarvái buorre vejolašvuohta searvat mielde searvvi dahje ossodatgotti čoahkkima mearrádusaid dahkamii koronaepidemiijas fuolakeahttá. Dalle sáhttá leat dárbu diktit oassálastima áššeolbmo bokte dahje gáiddusin. Juos searvvi lahtus ii leat doarvái digimáhttu gáiddusoassálastimii, sáhttet geavatlaččat šaddat dilit main sus lea teknihkalaš “digiveahkki” čoahkkimis, vaikke searveláhka ii dan namalassii suovage, go ráddjehusa čuovvuma ii geavatlaččat sáhte gohcit gáiddusoassálastimis. 
Oassálastinvugiid válljemis ja čoahkkimiid geavatlaš ollašuhttimis lea vuogas fuomášit, ahte gáiddusoassálastimis ii vealtakeahttá sáhte gávnnahit sihkkarit, geat buohkat duođai oassálastet čoahkkimii lahtuid ja vejolaš áššeolbmuid lassin. 

Searvvi stivra galgá addit doarvái buriid rávvagiid gáiddusoassálastimii ja jienastemiide Málle sáhttá váldit ovdamearkka dihte jienastan- ja válgaortnetgeavadagain. Seammá guoská áirasiid čoahkkimii gáiddusoassálastimii. Aiddosaš searvelága 30 §:s oaivvilduvvon jienastan- ja válgaortnega ii sáhte dohkkehit stivrras. 

Vaikke geavatlaččat buot čoahkkima oasseváldit searvvašedje mielde gáiddusin, čoahkkimis galgá das fuolakeahttá leat fysalaš čoahkkinbáiki.

Almmustahttojuvvon 16.4.2020 dii 14.00, beaividuvvon 1.10.2020 
Riekteministeriija 

Sáhttágo ossodatgotti dahje searvvi lahttu geavahit áššeolbmo čoahkkimii searvamii, vaikke njuolggadusain dasa ii livčče lohpi?

Ossodatgotti lahttu sáhttá geavahit áššeolbmo njuolga lága vuođul, vaikke dat livččii gildojuvvon njuolggadusain. Gaskaboddosaš láhka lea fámus 30.6.2021 rádjái. 
Searvvi stivra sáhttá addit lobi áššeolbmo geavaheapmái, vaikko searvvi njuolggadusain dasa ii livčče lohpi. Gaskaboddosaš láhka lea fámus 30.6.2021 rádjái. Searvvi stivra sáhttá geavatlaččat maiddái ásahit dakkár áššeolbmui guoski ákkastallojuvvon eavttuid, mat čuvvot ovttaveardásašvuođaprinsihpa. Searvvi ulbmila ja doaimma vuođul ovdamearkka dihte bellodatsearvvi stivra sáhttá gáibidit, ahte bellodatčoahkkimis áššeolmmoš galgá leat bellodaga vuođđoorganisašuvnna lahttu.
 
Almmustahttojuvvon 16.4.2020 dii 14.00, beaividuvvon 1.10.2020 
Riekteministeriija 

Mo börsafitnodaga fitnodatčoahkkima ordnema álkidahttojuvvo?

Börsafitnodaga stivra sáhttá mearridit, ahte fitnodatčoahkkimii sáhttá searvat dušše áššeolbmo bokte dahje gáiddusin. Gaskaboddosaš láhka lea fámus 30.6.2021 rádjái.
Stivra sáhttá mearridit, ahte maiddái áššeolmmoš oassálastá gáiddusin. Dalle oasusdoalliid gažadanvuoigatvuođa, jođiheaddjiid vástidangeatnegasvuođa ja osolaččaid evttohanvuoigatvuođa galgá láhčit ovdal čoahkkima ja mearrádusain jienasteami. Jienasteami sáhttá ordnet ovddal gihtii dahje čoahkkima áigásaš gáiddusjienasteapmin.
Börsafitnodaga doaimmahan čoahkkinbovdehusas leat dárkilis rávvagat čoahkkimii searvamis, gažaldagaid ja vuosteevttohusaid addinvuogis ja -áiggis sihke gažaldagaid, evttohusaid ja fitnodaga vástádusaid almmustahttimis. 

Almmustahttojuvvon 16.4.2020 dii 14.00, beaividuvvon 1.10.2020 
Riekteministeriija 

Sáhttágo ossodatgotti dahje searvi gáibidit čoahkkimii almmuheami ovddal gihtii dasa guoski njuolggadusmearrádusa haga?

Ossodatgotti dahje searvvi stivra sáhttá gáibidit ovddal gihtii almmuheami njuolga lága vuođul ossodatgotti dahje searvvi čoahkkimii, mii dollojuvvo maŋimustá 30.6.2021. Almmuheami mearrebeaivi sáhttá leat áramusat 2 vahku ovdal čoahkkima. Dalle čoahkkinbovdehusa sáddema maŋimuš áigi rehkenastojuvvo almmuhanbeaivvis maŋosguvlui.  

Almmustahttojuvvon 3.9.2020
Riekteministeriija 

Mo leat nagodan ordnet fitnodagaid, oasusgottiid, servviid ja eará servošiid čoahkkimiid spiehkastatdilis?

Riekteministeriija lea čielggadan servošiid čoahkkingeavadagaid njukča-borgemánus 2020. Čielggadusa vuođul gaskaboddosaš lága vejolažžan dahkan čoahkkinordnestallamat leat doaibman iige leat dieđus, ahte gaskaboddosaš láhkaásaheamis livčče leamaš probleamat osolaččaid ja lahtuid čoahkkinoassálastimis (Oikeusministeriön selvityksiä ja ohjeita 2020:17 - http://urn.fi/URN:ISBN:978-952-259-894-3).   

Almmustahttojuvvon 3.9.2020
Riekteministeriija

Gos oaččon dieđu čoahkkima ordnemis?

Čoahkkima ordnen ja čoahkkái bovden lea servoša stivrra bargu. Oasusdoallit ja lahtut sáhttet vuordit stivrras dieđu čoahkkimiid ordnema birra.

Almmustahttojuvvon 16.4.2020 dii 14.00
Riekteministeriija

Gos sáhttá oažžut lassedieđu oasusfitnodagaid, visteoasusservviid, ossodatgottiid ja servviid osolaččaid, lahtuid ja áirasiid čoahkkimiid geavatlaš ordnestallamiid birra?

Lassedieđuid čoahkkimiid ordnemii, áššeolbmo geavaheapmái, gáiddusoassálastimii ja ruhtadoalloloahpaheami ráhkadeapmái laktáseaddji ordnestallamiin addet iešguđetge searvvušhámiid ja doaibmasurggiid organisašuvnnat, ráđđeaddi institušuvnnat ja eará organisašuvnnat, dego
Ealáhuseallima guovddášlihttu (EK)
Guovddášgávpegámmár (KKK)
EK ja KKK oktavuođas doaibmi Listafitnodagaid ráđđádallangoddi
Suomen fitnodatolbmot
Giddodatlihttu
Isidastanlihttu
Ossodatdoaibmaguovddáš Pellervo
SOSTE rs
Olympiakommišuvdna
Nuoraidsuorggi dáhkkeorganisašuvdna Alliánsa
SAK 
Suoma ruhtadoallodárkkisteaddjit.

Almmustahttojuvvon 16.4.2020 dii 16.30, beaividuvvon 3.9.2020 
Riekteministeriija

Sáhttágo visteoasusservviid fitnodatčoahkkimiid ordnet gáiddusin?

Visteoasussearvvi stivra sáhttá suovvat gáiddusoassálastima njuolga visteoasussearvelága vuođul, muhto osolaččas lea álot vuoigatvuohta oassálastit maiddái fysalaččat. Visteoasussearvvi osolaččas lea maiddái álot vuoigatvuohta geavahit ovddasteaddji čoahkkimis.

Almmustahttojuvvon 11.10.2020
Riekteministeriija 

Mánát ja nuorat

Mo máná deaivvadanvuoigatvuohta ja vuorroássan ordnejuvvojit spiehkastatdilis?

Mánás lea vuoigatvuohta doallat oktavuođa goabbáge vánhemiinnis. Dán vuoigatvuođa galgá vuoruhit juohke dilis.
Lassedieđut ja dárkilat rávvagat vánhemiidda gávdnojit THL:a siidduin 

Almmustahttojuvvon 26.3.2020 dii 10.15, beaiváduvvon 9.10.2020 dii 13.25
Riekteministeriija

Ekonomiija

Maid geavaheaddjiloanaide gaskaboddosaš reantogáhttu guoská?

Geavaheaddjiloanaid gaskaboddosaš 10 proseantta alimusreantu guoská geavaheaddjisuodjelága 7 logu heivehansuorgái gullevaš geavaheaddjiloanaide. Ávkečanolaš vealggit, dego ovdamearkka dihte almmolaš kredihttakoartavealggit, biillaid oassemáksingávpi ja neahttagávppi oassemáksinvejolašvuohta, leat ráddjejuvvon reantogáhtu olggobeallái. 

Beaividuvvon 29.6.2020 dii 14.59
Riekteministeriija

Maid geavaheaddjiloanaide njuolggomárkanastingielddus guoská?

Geavaheaddjiloanaid njuolggomárkanastingielddus guoská geavaheaddjisuodjelága 7 logu heivehansuorgái gullevaš geavaheaddjiloanaide, maiddái gálvui čadnojuvvon velggiide. 

Beaiváduvvon 29.6.2020 dii 15.00
Riekteministeriija

Fitnodagat

Velgoheaddji vuoigatvuohta ohcat fitnodaga konkursii ráddjejuvvo. Man guhká dát gaskaboddosaš ordnestallan joatkašuvvá?

Gaskaboddosaš ordnestallan lea fámus 31.10.2020 rádjái. 

Almmustahttojuvvon 16.4.2020 dii 14.05, nuppástuhttojuvvon 30.4.2020 
Riekteministeriija 

Velgoheaddji vuoigatvuohta ohcat fitnodaga konkursii ráddjejuvvo. Mas lea gažaldat?

Konkursa eaktun lea máksinnávccahisvuohta. Máksinnávccahisvuođain oaivvildit, ahte fitnodat ii nagot máksit velggiidis muđui go gaskaboddosaččat. Konkursalága mielde fitnodaga navdojuvvo máksinnávccaheapmin, juos dat ii leat máksán vealggis vahku siste das, go dat lea ožžon konkurssa uhkivuloš máksinávžžuhusa. Ná ii šat geava gaskaboddosaččat.
Máksinnávccahisvuohta galgá bistit guhkit áiggi, vai fitnodaga sáhttá ásahit konkursii. Koronaepidemiija dagahan máksinnávccahisvuohta ii báze eanemusaid buohta bissovažžan.

Almmustahttojuvvon 16.4.2020 dii 14.05, nuppástuhttojuvvon 30.4.2020
Riekteministeriija 
 

Lasi fáttás

Sisáššiidministeriija: dávjá jerrojuvvon jearaldagat lihkadanráddjehusain (suomagillii)

AVI: Guovlohálddahusdoaimmahaga siidduin diehtu ee. álbmotdilálašvuođain ja eará almmolaš čoahkkimiin (suomagillii)

Boles: Dávjá jerrojuvvon jearaldagat čoahkkanemiin (suomagillii)

Geahča maiddái

Stáhtaráđđi: ministeriijaide dávjá jerrojuvvon jearaldagat ja vástádusat koronas čohkkejuvvon hámis (suomagillii)

Jus dus lea jearramuš koronavirusis dahje dan váikkuhusain, du bálvala  stáhta telefon- ja chat-rávvenbálvalus (suomagillii)

Stáhtaráđđi: Ráđđehusa linnjemat (suomagillii)

DBL: dávjá jerrojuvvon jearaldagat koronavirusis (suomagillii)