Hyppää sisältöön
Media

Stáhtaráđđi ovttaiduhttá šleađgaboastačujuhusaidis – SRK ja VM váldiba atnui ođđa gov.fi-geahčosa 23.8.2021 

Vuoigatvuođaministeriija
Julkaisuajankohta 23.8.2021 13.24
Dieđáhus

Stáhtaráđđi váldá veaháš hávális atnui oktasaš šleađgaboastačujuhusa gov.fi. Loahppajagi 2021 áigge visot ministeriijaid bargiid šleađgaboastačujuhusat earáhuvvet gov.fi-geažus hápmái. Vuosttažin gov.fi-gehčosa váldiba atnui stáhtaráđi kansliija ja vuoigatvuođaministeriija 23.8.2021 rájes.

Boares čujuhusaide sáddejuvvon sáddagat bohtet mearrái vel guovtti jagi áigge. 

Bargiid šleađgaboastačujuhusat leat ođastusa maŋŋel váldonjuolggadusa mielde hámis [email protected]. Juos olbmos lea stáhtahálddahusas dievasnammagáibmi, čujuhusas lea dása lassin lassidovddaldat dego gaskabustávva. 

Vuoigatvuođaministeriija registrerenkantuvrra šleađgaboastačujuhus bissu doaisttážii ovddešlágánin.

Rievdadus ii váikkut ministeriijaid fierbmesiidduid čujuhusaide, mat seilot ovddešlágánin. 

Gov.fi atnui buot ministeriijain loahppajagi 

Maid eará ministeriijat váldet atnui gov.fi-gehčosa jagi 2021 áigge. Johtolat- ja kommunikašuvdnaministeriija, eanan- ja meahccedoalloministeriija, oahpahus- ja kulturministeriija, bealuštanministeriija ja birasministeriija váldet gov.fi-šleađgaboastačujuhusa atnui 6.9.2021 rájes. Sosiála- ja dearvvašvuohtaministeriija, bargo- ja ealáhusministeriija ja ruhtaministeriija váldet gehčosa atnui 20.9.2021 rájes ja olgoáššiidhálddahus golggotmánu loahpas. Áidedávvalii sáhttet boahtit rievdadusat.

- Oktasaš šleađgaboastačujuhusain háliiduvvo lasihit stáhtaráđi ovttalašvuohta ja álkidahttit riikkavuloža vejolašvuođa váldit oktavuođa stáhtaráđi virgehálddašeddjiide. Rievdadus dahkkojuvvo dábálaš šleađgaboastavuogádaga áigedássái bidjama oassin, muitala stáhtaráđi kansliija ossodathoavda Janne Kerkelä.

Ođastusa olis buoriduvvo maid oba stáhtaráđi šleađgaboastajohtolaga diehtodorvvolašvuohta ja nákca fuobmát vejolaš diehtodorvospiehkastemiid. 

Gov.fi-gehčosa lea álki dovdát, ja seamma málle lea anus eará riikkain. Ovttalaš čujuhus álkidahttá oktavuođa váldimiid stáhtaráđđái. Dat dahká njuovžilin maid bargiid lihkadanvuođa sierra ministeriijaid gaskkas.  

Lassidieđut
Ossodathoavda Janne Kerkelä, t. 0295 160 381, [email protected], stáhtaráđi kansliija, stáhtaráđi hálddahusovttadat

Kommunikašuvdnahoavda Katja Huumo, t. 0295 150 113, [email protected], vuoigatvuođaministeriija
Ossodathoavda Tapio Laamanen, p. 0295 150 290, [email protected], vuoigatvuođaministeriija


Stáhtaráđi oktasaš gov.fi-šleađgaboastačujuhus

Riehtiministeriö váldá anon šleđgâpostâčujottâsâid, main lii gov.fi-kiäjus

Vuõiggâdvuõttministeria väldd ââʹnnma gov.fi-ǩeäjjõõzz neʹttpååʹštaddrõõzzid 


 

Back to top