Diehtu siidduin

Oikeusministerio.fi lea vuoigatvuođaministeriija bajásdoallan neahttabálvalus, masa leat čohkken dieđu ministeriijas, dan doaimmas ja bargguin ja ministeriijas válmmaštallama vuolde lean láhkaásahan- ja ovddidanfidnuin.

Bálvalusa suoma- ja ruoŧagiela oasit leat sisdoalu dáfus viidáseappot. Dehálaččamus sisdoallu lea fállojuvvon maiddái eŋgelasgillii ja davvisámegillii.

Bálvalusa bajásdoallá ja das vástida vuoigatvuođaministeriija gulahallanovttadat. Sisdoalu bajásdoallamis figgat sisdoalu doallevašvuhtii ja áiggi čuovvumii.

Ohcan

Siiddu ohcan lea siiddu badjedovddaldagas. Navddusárvvu mielde ohcamat čuhcet siidduid olles sisdollui ja bohtosat listejuvvojit sisdoallotiippa mielde gaskabláđđái almmustahttináiggi čuovvu ortnegii. Molssaevttolaččat ohcanbohtosiid sáhttá ordnet deaivilvuođa mielde

Ohcan ohcá buot addojuvvon ohcansániiguin ja siidduid giela mielde, Ohcansániid gaskii lasihuvvojit automáhtalaččat boolean-operáhtor ’JA’. Ohcamis sáhttá geavahit maiddái botkejuvvon sáni.

Liŋkkat

Bálvalusa siskkáldas liŋkkat rahpasit eanaš seammá bláđánihkkonii. Liŋkkat bálvalusa olggobeallái rahpasit ođđa bláđánihkkonii.

Fiilaluđemat ja lohkkivuogádagat

Pdf-fiillaid luđemii dárbbaša Adobe Reader -prográmma dahje dávisteaddji, man sáhttá luđet nuvttá.

Neahttabálvalus fállá materiálaid RSS-deavdagiid bokte.

 

Diehtočoahkut

Siidduin geavahit diehtočoahkuid geavahanvásáhusa buorideapmin. Diehtočoahkuiguin hálddašit neahttabláđána galledeaddjidieđuid siidduin, eaige dain čoakke dahje vurke person- dahje galledeaddjidieđuid.

Lassidieđut diehtočoahkuin:  Viestintävirasto

Neahttabláđánat ja terminálarusttegat

Siidu lea responssalaš, ja siidu vuogáiduvvá terminálarusttega mielde. Siidduid olggooaidnu lea buoremus ođđaseamos bláđánveršuvnnain. Siiddu sáhttá geavahit maiddái boarrásut bláđánveršuvnnaiguin, muhto dalle buot iešvuođat eai vealttakeahttá leat dievaslaččat anus.

Máhcahat ja lassidieđut

Siidduin ja daid sisdoalus sáhttá addit máhcahaga ministeriija gulahallanovttadahkii čujuhusain viestinta.om(at)om.fi. Máhcahaga sáhttá sáddet maiddái siidduid máhcahatskovi bokte.

Virggálaš poasta galgá sáddejuvvot registrerenkantuvrra  šleađgapoastačujuhussii oikeusministerio(at)om.fi. Lassidieđuid neahttabálvalusas oažžu gulahallanovttadagas.

Galledeaddjičuovvun

Siidduid galledeaddjičuovvun ii čoakke dieđuid, maiguin ovttaskas galledeaddji sáhtašii dovdat. Siidduid geavaheamis čoaggit almmolaš statistihkkadieđuid, mat ávkkástallojuvvojit neahttabálvalusa ovddideapmái. Dát dieđut leat luđejuvvon siiddut, áigi, IP-čujuhus ja neahttabláđán ja geavahanvuogádat.

Sosiála media ja RSS 

Vuoigatvuođaministeriija ođđasiid ja áigeguovdilis dáhpáhusaid sáhttá čuovvut maiddái ministeriija Twitter-konttus ja Facebook-siiddus. Vuoigatvuođaministeriija sosiála medias

Neahttasiiddu oikeusministerio.fi sisdoaluid lea vejolaš juohkit maiddái Facebookii, Twitterii ja šleađgapostii.

Vuoigatvuođaministeriija ođđasat, ovdaságat ja ođđaseamos almmustahttimat ja Oikeusblogi leat oažžumis RSS-bálvalussan. Bloggabajilčállagiid oktavuhtii galgá laktit máinnašumi gáldus. Bajilčálaliŋkkaid geavaheapmi lea lobálaš dušše buori vuogi čuovvu áššeoktavuođain, ja daid ii oaččo geavahit oassin mávssolaš bálvalusaid.

Vuoigatvuođaministeriija figgá dáhkidit RSS-sisdoalu doallevašvuođa, muhto dat ii goittotge vástit sisdoalus vejolaččat dihtton eahpedárkilisvuođain dahje feaillain.

Geavahaneavttut

Oahpásmuva fuolalaččat geavahaneavttuide. Geavahemiin siiddu dohkkehat geavahaneavttuid dakkáražžan.

Dahkkivuoigatvuođat ja neahttabálvalussii liŋken

Vuoigatvuođaministeriijas leat buot vuoigatvuođat neahttabálvalusas almmustahtton tekstii, govvii ja vurkemiidda, jus eará ii leat máinnašuvvon. Siidduin lean govaid govvejeaddjit leat máinnašuvvon, jus govvejeaddji lea olggobeale olmmoš.

Neahttabálvalusas lean teavsttaide oažžu friddja liŋket ja teavstta sáhttá luoikkahit, muhto dalle gáldu galgá eandalii máinnašit. Materiála earálágan ávkkástallamis galgá álo soahpat sierra vuoigatvuođaministeriija gulahallanovttadagain.

Mielddusfiillaid ovddos guvlui juohkin almmá lobi eará sajis go vuoigatvuođaministeriija neahttabálvalusas lea gildojuvvon. Ovttaskas govaide liŋken lea eandalii gildojuvvon.

Vuoigatvuođalaš várren

Siidduin vástida vuoigatvuođaministeriija.

Siidduid sisdoaluin leat buot láhkai figgan dieđu doallevašvuhtii ja áiggi čuovvumii. Vuoigatvuođaministeriija ii vástit siiddu sisdoalu vejolaš feaillain geavaheaddjái boahtán goluin dahje vahágis. Ministeriija ii maiddái leat ovddasvástádusas dakkár hehttehusas, mii boahtá teknihkalaš heađuštusas dahje siidduide liŋkejuvvon materiálas, man olggobeale bealli lea almmustahttán.

Sirdašuvadettiin liŋkejuvvon siidduide doppe heivehit dan siiddu iežas geavahaneavttuid. Vuoigatvuođaministeriijas ii leat ovddasvástádus dáid goalmmát oassebeliid siidduid beaivádemiin, almmustahttimiin dahje siidduin ovdanbuktojuvvon dieđuid doallevašvuođas. Neahttasiidduin lean liŋka goalmmát oassebeali neahttasiidui ii oaivvil, ahte vuoigatvuođaministeriija livččii mange láhkai ovddasvástádusas neahttasiiddu doaimmas dahje neahttasiiddus fállojuvvon dahje máinnašuvvon buktagiin dahje bálvalusain.

Vuoigatvuođaministeriijas lea vuoigatvuohta, muhto ii geatnegasvuohta, čuovvut ja bearráigeahččat dakkár siidduid osiid, main geavaheaddjit sirdet dahje gaskkustit dieđuid ja dán gažaldatvullosaš gulahallama sisdoalu. Vuoigatvuođaministeriijas ii leat ovddasvástádus gulahallama sisdoalus das fuolatkeahttá heivehitgo dasa dahkkivuoigatvuođa-, gudnenjeaidin-, privasitehta suoji- dahje eará lágaid. Vuoigatvuođaministeriija sáhttá guorahallamis vuođul jávkadit geavaheaddji sádden áššeheapmin gávnnahuvvon materiála siidduin.

Vuoigatvuođaministeriija ii mávsse buhtadusa neahttasiiddu geavaheamis dahje dan bokte fállon informašuvnnas ja mieđihat vuoigatvuođaministeriija vuoigatvuođa geavahit ja hábmet maid beare dákkár materiála almmá ráddjehusaid ja máilmmiviidosaččat nuvttá buot mávssuin.

Vuoigatvuođaministeriija ii sáhte dáhkidit rabas diehtofierpmis sáddejuvvon dieđuid luohtehahttivuođas.Geavaheaddjit galget garvit luohtehahtti dieđuid sáddema šleađgapoasttain.

Neahttasiidduid materiála ii sáhte atnit Vuoigatvuođaministeriija čadni fálaldahkan, ávžžuhussan dahje čatnašupmin.

Vuoigatvuođaministeriija doalaha vuoigatvuođa beaivádit, dárkkistit ja nuppástuhttit geavahaneavttuid sihke siidduid sisdoalu ja olggosoainnu. Geavaheaddji lea buorre muhtun gaskkaid dárkkistit dáid siidduid geavahaneavttuid, mat leat fámus. Vuoigatvuođaministeriijas lea vuoigatvuohta goas beare siva almmutkeahttá gaskkalduhttit neahttasiidduid fállama ovdamearkan fuolahan-, divvun- dahje beaivvádahttindoaimmaid boddii.

Geavaheaddji čatnasa buhttet geavahaneavttuid vuostásaš doaimmainis vejolaččat dahkan vahága dievasmearis.

Jus muhtun oassi dáin geavahaneavttuin gehččojuvvo eandalii láhkaásaheami vuostásažžan dahje muđuid ollašuhttingealbboheapmin, dákkár čuokkis ii goittotge váikkut eará osiin dáid geavahaneavttuid doallevašvuhtii.

Geavahaneavttuide ja daid dulkomii heivehit Suoma lága earret dan lágaválljejumi guoskevaš ásahusat.