Asâttâs sämitiggevaaljâi monâttâlmist peividuvvoo
Riehtiministeriö asâttâsân sämitiggevaaljâi monâttâlmijn tahhoo nubástus sämitiggelaahân olášuttum nubástusâi keežild. Siämmást meiddei vaaljâin tieđettem peividuvvoo ääigitásásâžžân.
Asâttâsân šaddee teknisij nubástusâi ohtâvuođâst sämitiggevaaljâi tiättunaddelmân kyeskee heiviittâllâm peividuvvoo nuuvt, et puátteevuođâst valjáid lohtâseijee aašijn tieđettuvvoo haldâttâhlaavâ miäldásávt kulluuttâssáin. Tiäđuh almostittojeh vuosâsaajeest viermisiijđoin, ko ovdil tiäđuid koolgâi almostittiđ aavisalmottâssáin.
Ton lasseen asâttâsân tahhojeh nubástusah, vâi tot västid nubástum sämitiggelaavâ. Asâttâsân lasettuvvojeh uđđâ ceehih iävtukkâsluvâttâlmist já iävtukkâsucâmušâst. Täin lii ovdeláá asâttum iänáážin siämmáánáál sämitiggelaavâst.
Asâttâsâst miäruštâlloo sämitiggelaavâ miäldásávt, et maid lahtosijd valjâluvâttâlmân ucâluvvee olmooš kalga toimâttiđ ucâmušâs fáárust. Ciäkán tohhum nubástus čielgâsmit asâttâs já keeppid puástuibárdâsâi riiskâ, ko asâttâs västid vyeimist leijee sämitiggelaavâ.
Meid tiättunadelem toleduvvoo. Vaaljâi aalgâtmist, valjâluvâttâlmân ucâluumist, valjâluvâttâlmist meddâlistmist já valjâlävdikode čujottâsâst tieđettuvvoo puátteevuođâst jo porgemáánust.
Asâttâs šadda vuáimán 15.7.2026. Uđđâ heiviittâllâm heiviittuuškuát čuávuváin sämitige vaaljâin ive 2027 já toi valmâštâlmijn.
Lasetiäđuh:
lahâasâttemräđiolmooš Yrsa Nyman, p. 0295 150 293, ovdânommâ.suhânommâ@gov.fi
ráđádellee virgeolmooš Jasmiina Jokinen, p. 0295 150 056, ovdânommâ.suhânommâ@gov.fi (10.8. >)