Asetõõzz sääʹmteʹǧǧvaali mõõntõõllmõõžžâst peeiʹvtet
Vuõiggâdvuõttministeria asetõʹsse sääʹmteʹǧǧvaali mõõntõõllmõõžžin tuejjeet peeiʹvtummuž sääʹmteʹǧǧläkka tuejjuum muttsi diõtt. Seämmast muuʹttet ääiʹjtässʼsiʹžžen vaalin teâđtummuž še.
Asetõʹsse tuejjeemvuâllsaž teeknlaž muttsi õhttvuõđâst sääʹmteʹǧǧvaali teâttanouddmõõžž kuõskki šiõttõõllmõõžž peeiʹvtet nuʹtt, što pueʹttiääiʹjest vaalid õhttneei aaʹššin teâđtet vaaldšemlääʹjj meâldlânji kuultõõzzin. Teâđaid õlmstââʹttet vuõss-sâjjsânji neʹttseeidain, ko ääiʹjben teâđaid õõlǥi õlmstâʹtted gaʹzeâʹtiʹlmmtõõzzivuiʹm.
Lââʹssen asetõʹsse tuejjeet muttsid, što tõt vaʹsttad mottjam sääʹmteʹǧǧlääʹjj. Asetõʹsse lââʹzztet ođđ paragraaffid võboršeǩloǥstõõǥǥâst da võboršeǩooccmõõžžâst. Täin leät ääiʹjben šiõttääm väʹlddvueʹzzi seämmanalla sääʹmteʹǧǧlääʹjjest.
Asetõõzzâst meäʹrtet sääʹmteʹǧǧlääʹjj meâldlânji, mâid meâlddõõzzid vaal-loǥstõʹǩǩe ooʒʒõõtti ooumaž âlgg tååimted ooccmõõžžâs mieʹldd. Muuttâs, koon tuejjeet paragraʹffe, tuejjad čiõlggsubun asetõõzz da uuʹccad puästtad fiʹttjummši riisk, ko asetõs vaʹsttad viõǥǥâst åårrai sääʹmteʹǧǧlääʹjj.
Teâttanouddmõõžž ääiʹjeet še. Vaali alttummšest, vaal-loǥstõʹǩǩe ooʒʒõõttmõõžžâst, vaal-loǥstõõǥǥâst meädda välddmõõžžâst di vaal-luʹvddkååʹdd addrõõzzâst teâđtet pueʹttiääiʹjest juʹn påʹrǧǧmannust.
Asetõs puätt viõʹǩǩe 15.7.2026. Ođđ šiõttõõllmõõžž ääʹljet suåvlded pueʹtti Sääʹmteeʹǧǧ vaalin eeʹjj 2027 da tõi valmštõõllmin.
Lââʹssteâđ:
lääʹjjšiõtteemduumšeǩ Yrsa Nyman, p. 0295 150 293, ouddnõmm.sokknõ[email protected]
saǥstõõlli veʹrǧǧooumaž Jasmiina Jokinen, teʹl. 0295 150 056, ouddnõmm.sokknõ[email protected] (10.8. >)