Sámediggelága rievdadusa válmmastallan vuolgá johtui
Vuoigatvuohtaministeriija lea ceggen doaibmagotti válmmastallat sámediggelága rievdadusaid. Sámediggelágas addojuvvon lága njuolggadusat leat muhtin muddui boarásnuvvan, ja njuolggadusaid doaibmivuođas leat fuomášuvvon čuolmmat.
- Lean ilus, ahte sámediggelága earáhuhttima válmmastalli doaibmagotti bargu beassá dál johtui. Álgoálbmot sápmelaččaid vuoigatvuođaid dorvvasteapmi gáibida, ahte sámiid iešstivrenorgána njuolggadusat leat áiggi dásis. Dál lea báris áigi oažžut rievdadusaid áigái, vuoigatvuohtaministtar Anna-Maja Henriksson dadjá.
Nuppástuhttinbarggu vuođđun leat vuođđovuoigatvuođat ja eará vuođđolága ásahan geatnegasvuođat, Suoma čadni riikkaidgaskasaš olmmošriektesoahpamušat, ON álgoálbmotvuoigatvuođaid julggaštus ja riikkaidgaskasaš rievtti ovdáneapmi sihke maŋemus áiggiid čovdosat.
Doaibmagoddái gullet ovddasteaddjit ráđđehusbellodagain ja sámedikkis ja dan ságadoallin doaibmá vuoigatvuohtaministeriija kansliijahoavda Pekka Timonen.
Doaibmagotti doaibmaáigodat lea 1.12.2020 - 15.5.2021.
Oaiveministtar Sanna Marina ráđđehusprográmma mielde ráđđehus gudnejahttá ja ovddida sápmelaččaid ja sápmelaš joavkkuid gielalaš ja kultuvrralaš vuoigatvuođaid ollašuvvama vuhtii válddedettiin riikkaidgaskasaš soahpamušaid.
Lassidieđut:
Ossodathoavda Johanna Suurpää, tel. +358 295150534, [email protected]
Stáhtačálli Malin Brännkärr, tel. +358 40 534 7727, [email protected]
Ministara sierraveahkki Niklas Mannfolk, tel. +358 50 306 3990, ovdanamma.goargu @om.fi
Fidnoláse: Sámediggelága rievdadeapmi