Hyppää sisältöön
Valtioneuvosto ja ministeriöt Media

Vuoigatvuođaministtar Henriksson: Sámediggelága ođasteapmi jotkojuvvo

Vuoigatvuođaministeriija 13.2.2020 16.16
Dieđáhus

Vuoigatvuođaministtar Anna-Maja Henriksson deaivvai odne Anáris sámedikki ja ON:id eamiálbmogiid bissovaš foruma ovddasteaddjiid. Ministara mielde Suomas lea vel bargu, vai sámiid vuoigatvuođat eamiálbmogin ja gielalaš vuoigatvuođat sáhttet dorvvastuvvot.

- Ráđđehus joatká barggu sámediggelága ođasteapmin. Ođđajagimánus vuođđudan válmmaštallanbárgojoavkku árvvoštallat nuppástusdárbbuid, vuoigatvuođaministtar Henriksson muitalii ON:id eamiálbmotáššiid bissovaš foruma ráhkkanančoahkkima oktavuođas.

Mannan jagi ON:id olmmošvuoigatvuođakomitea oinnii, ahte Suopma lea rihkkon siviila- ja politihkalaš vuoigatvuođaid guoskevaš oppalašsoahpamuša. Olmmošvuoigatvuođakomitea mielde Suoma alimus hálddahusriekti ii livčče galgan dohkkehit sámedikki válgalogahallamii olbmuid sámedikki mearrádusa vuostásaččat.

- ON:id olmmošvuoigatvuođakomitea fuomášahttin lea váldon duođalaččat. Ráđđehus lea jo almmuhan olmmošvuoigatvuođakomiteai, makkár doaimmat álggahuvvojit ja gulahallá komiteain. Ráđđehusprográmmas leat máŋggat girjemat sámiid gielalaš ja kultuvrralaš vuoigatvuođaid ollašuhttima gudnejahttimis.

ON:id eamiálbmotáššiid bissovaš foruma ráhkkanančoahkkin ordnejuvvo dán vahkus Anáris. Čoahkkimii oassálasten ON:id bissovaš foruma 16 lahtu sierra guovlluin máilmmis.

Lassedieđut:

stáhtačálli Malin Brännkärr, tel. 040 534 7727, [email protected]

sierraveahkki Niklas Mannfolk, tel. 050 306 3990, [email protected]

Riehtiminister Henriksson: Sämitiggelaavâ uđâsmittem juátkoo

Vuõiggâdvuõttminister Henriksson: Sääʹmteʹǧǧlääʹjj oođummuž jueʹtǩet

Anna-Maja Henriksson