Hyppää sisältöön
Valtioneuvosto ja ministeriöt Media

Sámi giellabálkkašupmi Gollegiella Ellen Pautamoi ja Jonar Thomassonii

Opetus- ja kulttuuriministeriöVuoigatvuođaministeriija
18.11.2020 14.00
Dieđáhus

Ellen Pautamo (Ergon Máreha Ánne Elle-Máret) Tamperes ja Jonar Thomasson Limingenis bálkkašuvvoba jagi 2020 davviriikkalaš Gollegiella-giellabálkkašumiin sámegielaid ovddideamis.

Sámegiela ja kultuvrra lektor Ellen Pautamo oažžu Gollegiella-bálkkašumi ánssuinis davvisámegiela oahpaheaddjin. Giellaáššedovdi Jonar Thomassonii bálkkašupmi mieđihuvvo su lullisámegiela ovdii dahkan barggus.

Vuoigatvuođaministtar Anna-Maja Henriksson almmustahtii bálkkašumi oažžuid odne Helssegis Norgga, Ruoŧa ja Suoma sámeáššiin vástideaddji ministariid ja sámedikkiid ságadoalliid čoahkkima oktavuođas.

- Liegga giitosat goabbáge bálkkašumi oažžui mearkkašahtti doaimmain sámegielaid buorrin. Sávan, ahte Pautamo ja Thomassona bargu oažžu min movttiiduvvat sámegielain ja kultuvrras sihke atnit daid árvvus, vuoigatvuođaministtar Anna-Maja Henriksson lohká.

Ellen Pautamo lea okta mearkkašahttimus sámi gáiddusoahpahusa ovddideaddjiin. Son bargá Sámi oahpahusguovddážis virtuálaskuvllas sámegiela ja kultuvrra lektorin. Pautamo lea čeahpes, hutkás ja movttiidahtti oahpaheaddji, gii doaibmá maiddái oahpaheaddjiid skuvlejeaddjin.

Jonar Thomasson lea giellaáššedovdi ja bivnnuhis giellagáldu, gii gaskkusta sámegiela ja sámi kultuvrra sihke historjjá vásáhusaid. Thomasson lea ovddidan sámegiela seailuma ja ovddideami dokumenteremiin lullisámegiela. Son lea čoaggán Mojhtsijstie-girjásis muitalusaid, sániid já sátnevádjasiid lullisámegillii.

Bálkkašupmi lea 15 000 euro stuoris. Dán jagi bálkkašumi oažžut leaba guovttis, nu ahte bálkkašupmi juhkkojuvvo Pautamo ja Thomassona gaskkas.

Lassedieđut:
Ráđđádalli virgeolmmoš Johanna Hautakorpi, tel. 02951 50018, [email protected]
Stáhtačálli Malin Brännkärr, tel. 040 534 7727, [email protected]
Sierraveahkki Niklas Mannfolk, tel. 050 306 3990, [email protected]

Árvvoštallanlávdegotti ságadoalli Tauno Ljetoff, tel. 040 5893249, [email protected]

Sámi giellabálkkašupmi Gollegiella

Säämi kielâpalhâšume Kollekielâ Ellen Pautamon já Jonar Thomassonân

Sääʹm ǩiõllcistt Gollegiella Ellen Pautamʹjje da Jonar Thomasʼsooʹjje

Samisk språkpris Gollegiella til Ellen Pautamo og Jonar Thomasson

Davviriikkalaš sámi giellabálkkašupmi Gollegiella 2020 (YouTube)

Anna-Maja Henriksson
Sivun alkuun