Hoppa till innehåll
Media

Dieđut guovlluválggaid evttohasain almmustuhttojuvvojit 23.12.

Vuoigatvuođaministeriija
Julkaisuajankohta 21.12.2021 10.02
Ođas

Guovlluválggaid válgalávdegottit váfistit evttohaslisttuid oktiibijuid ođđajagimánu guovlluválggaid várás duorastaga 23.12.2021. Dieđut evttohasain almmustuhttojuvvojit riekteministeriija válggaid siidduin (vaalit.fi) eahkeda áigge.

Buresbirgenguovllut leat 21, ja dain juohkeovttas leat iežaset evttohasat. Jietnavuoigadahtton olbmo buresbirgenguovlu mearrahuvvá su ruovttugieldda mielde. Dieđut das, man buresbirgenguvlui miinai gielda gullá, gávdnojit vaalit.fi-siidduin. (suoma-, ruoŧa- ja eŋgelasgillii)

Iežas buresbirgenguovllu evttohasaide sáhttá oahpásnuvvat maid válgamašiinnaid, interneahta sihke bellodagaid ja evttohasaid reklamerema bakte. 

Válggat 23.1.2022 beaivvi, leat Suoma vuosttaš guovlluválggat. Guovlluválggain válljejuvvojit ovddasteaddjit guovllustivrraide. Guovllustivrraid ovddasvástádussan buresbirgenguovlluin leat sosiálafuolahusa, dearvvašvuođa fuolahusa ja gádjundoaimma ordnen jagi 2023 álggu rájes. 

Buresbirgenguovllut dávistit váldooasis dáláš eanangottiid viidodagaide. Spiehkastat lea Uusimaa eanangoddi, gos lea leat njeallje buresbirgenguovllu. 

Helssetlaččat eai jienas guovlluválggain, daningo Helssegis sosiála- ja dearvvasvuođa ja gádjundoaimma ovddasvástádus lea dás maŋásge gávpogis. Sosiála- ja dearvvašvuođa fuolahusa ja gádjundoaimma ođastus ii guoskka maid Ålándda eanangotti. 

Guovlluválggaid evttohasat diehto- ja boađusbálvalusas 23.12. rájes (suoma-, ruoŧa- ja eŋgelasgillii). 

Diehtu guovlluválggain ja jienasteamis – vaalit.fi
Koronarávvagat jienasteddjiide guovlluválggain
Dearvvašvuođa ja buresbirgejumi lágádus: Áigeguovdil koronavirusdilis (suomagillii)


Vaalit.fi Twitteris
Vaalit.fi Facebookas
Vaalivideot YouTubes
Válggaid telefonbálvalus suomagillii 0800 9 4770 ja ruoŧagillii 0800 9 4771
Válggaid WhatsApp-dieđáhusbálvalus 050 438 8730

Tillbaka till toppen