Davviriikkalaš sámi soahpamuš ovdan sámi áššiin ovddasvástideaddji ministariid čoahkkimis
Sámi áššiin ovddasvástideaddji ministarat ja sámedikkiid ságadoallit Suomas, Ruoŧas ja Norggas deaivvade odne gáiddusoktavuođaid bakte. Buot oasseváldit atne dehálažžan joatkit barggu davviriikkalaš sámi soahpamuša fápmui boahtima ovddideami várás.
- Min deaivvadeami ságastallan čujuhii, ahte golmma Davviriikkas ja golmma riikka sámedikkiin leat olu oktasaš ulbmilat, dego ovdamearkka dihte buori servodatlaš dili ovddideapmi sápmelaččaid vuoigatvuođaid ollašuhttima várás, vuoigatvuohtaministtar Anna-Maja Henriksson dadjá.
Ministarat ja sámedikkiid ságadoallit ságastalle deaivvadeamisteaset maid Sámi Giellagáldu vuođđudeamis ja koronapandemiija váikkuhusas sámi álbmogii.
Suopma lea davviriikkalaš sámi áššiid ovttasbarggu ságadoalliriika jagi 2020.
Lassidieđut:
Ráđđádalli virgeolmmoš Johanna Hautakorpi, t. 02951 50018, [email protected]
Stáhtačálli Malin Brännkärr, t. 040 534 7727, [email protected]
Ministara sierraveahkki Niklas Mannfolk, t. 050 306 3990, [email protected]